玩泥膠發揮無限創意 | 從玩樂中學習 Aidan好鍾意玩泥膠，一玩就可以好專心玩好耐。 佢會利用不同的工具去創作，一來可以訓練小手肌肉，二來可以教他利用不同顏色和形狀去併合，發揮佢自己的創意。 泥膠的質感軟硬適中，好適合小朋友去搓揉，家長可以從最簡單的條條和波波形狀去教小朋友，佢地學識後就可以教佢地去用條條或波波去變化。 例如：用條條去卷一枝波板糖，做麵條等            用波波去做蟲蟲，雪人等            又可以兩者拼合：太陽，彩虹雲朵，車厘子等 好似聖誕節時，我教他整了小雪人和薑餅人，佢好快就學識喇，知道立體和平面創作出來會有不同的效果。 我覺得泥膠都可以注入藝術元素，加點小素材，例如:珠片，閃粉膠水等，已經會有無限的變化，可以讓小朋友親手創作家中的裝飾物或心意卡。   **泥膠每次玩完，就要盡快入番落個杯仔蓋好，保存得好，就可以玩好耐喇。但如果開始乾，我就會丢左去，因為會有好多碎粒粒，會攪到成地都係，好難清潔！ 所以記住唔好一次過開咁多種顏色呀！ 圖：嗯~~ 整咩好呢~~ ———————————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記