相信有唔小媽媽初初同我一樣，發現有左既時候唔知點算好，唔知有咩做。上Baby Kingdom 問又未有acc，可能身邊又未有朋友懷孕，揸住枝驗孕棒又唔知同唔同屋企人講好，今日就同大家講下有邊3個Step 係一定要做架啦 1. 醫生證明???? ─ 驗左既當日/ 第2日盡快搵一間普通診所 (或者有人話去家計會平的) 做多次 #驗孕，拎醫生證明，因為冇呢個証明係去唔到各醫院進行登記，醫生到時會按你最後一次m到頭一日開始計 (呢個日期你會成日俾人問要好好記住)，計40周就係預產期 2. 公立醫院登記???? ─ 拎完之後要盡快去你居住當區既公立醫院/健康院 ，帶齊你同你另一半既身份証副本同住址証明去醫院進行登記，用預約通/ HA Go 官方App同樣做到，以便之後固定去公立醫院婦產科進行檢查 3. 預約私家醫生???? ─ 同日亦可以開始research 邊個私家醫生較好 (例如價錢/地點/服務態度/檢查仔細程度/開刀傷口等考慮因素)，一諗好就應該盡快預約係WK 8-9 既時候進行首次私家檢查照閃閃(睇下BB有冇心跳)，好既醫生通常都好Full 好難約，所以真係要把握時間盡快留位 ⚠️⚠️P.S 私家檢查其實唔使太早去照，有的媽媽會好心急聽人講話WK 5-6 都可以有心跳就走去照，其實太早真係未必成型check 到心跳，到時驚一餐又無謂???? ❓ 有媽媽可能會問點解 #產檢 又要去私家又要去公立，咪好貴。但其實你要知道要預約公立醫院每間排期唔同，可能有時都會排得比較後。而且去公立醫院例行檢查係冇咩野睇，一般都係度高磅重同埋聽下心跳。但去私家影超聲波可以知道有冇宮外孕，同埋度一度BB 成長速度係咪正常呢的都好重要。貴小小，但係初頭都係檢查足的好???? 當你做哂以上既步驟既時候，你就可以放慢腳步，安心等到WK8-9 去見BB。通常呢的時候就去的forum 或者FB 睇下有無的媽媽group 可以入。當然前提係你唔厭好多人講野，但如果你想要最快一手資訊，同埋有同行既人互相問下媽媽group係最快幫到你。特別頭3個月係令人緊張又擔心，始終仲係未穩定階段，屋企人又未必講得住，留啡或者有冇咩醫生好呢的都可以同group內媽媽討論，令你安心得多。 #艾莉奧媽媽 當初驗到既時候其實都好緊張，會一篇空白，完全唔知要點做，好彩身邊有位媽媽朋友教路，一驗到就話我知有邊幾樣野要立即做，個心先定的????????。 另外，下面有幾個重要既檢查，係過左3個月到分別係公立同私家到做既檢查，詳細內容就唔係呢到講啦，但可以先俾你一個概念之後有的咩檢查要預備。 WK 12 – 唐氏綜合症篩查 (或者會有媽媽會係WK 10-12 內選擇做T21 pro/ nify pro/ panorama test等非入侵性基因測試代替) WK 20 – 結構性超聲波 WK 24-28 – 耐糖測試（飲糖水） WK 36-37 – B型鏈球菌 希望可以幫到初為媽媽既朋友，祝大家BB 健康成長???? #有咗點做 #懷疑有咗 #中咗點算