以前成日聽人講，屋企有部廚師機等於多咗個幫手， 打麵團唔駛自己嚟，又可以發蛋白整蛋糕， 仲集合食物處理器、攪拌機於一身， 係嘅，用過都會覺得好正， 慳水慳力不在話下，時間都慳唔少， 而且睇住麵團成形嘅過程，的確好治癒。   今次試整芝士麵包條，非常成功， 占士哥仲話味道似足麵包鋪出品，講到咁一定要同大家share下。   芝士麵包條 食譜   材料：高筋麵粉140g、溫水80g、酵母3g、糖20g、鹽3g、奶粉10g、 牛油15g、沙津醬適量、mozzarella芝士碎適量   1. 酵母與35度溫水拌勻，除了牛油外，把所有材料放於廚師機料理盤中。 2. 開1檔把材料攪拌成團，再倒入室溫牛油粒後，再以4檔揉6分鐘，轉5檔再揉6分鐘至完全階段。 3. 取出麵團，蓋上濕布發酵1小時。 4. 將發酵好的麵團分成8份(35g)，排走空氣後，再搓成長條狀，輕輕壓扁，再發酵45分鐘至雙倍大。 5. 於麵團上唧上沙津醬，再撒上芝士碎。 6. 預熱焗爐200度，放入焗爐烤10分鐘，轉210度烤5分鐘即可。   **更多簡易食譜、小菜苗與菜蜜妹妹生活日誌** Facebook：芙芙little kitchen IG: fufu_littlekitchen 放完牛油再以4檔及5檔各揉6分鐘，中途會睇到麵團由黏盤到完全唔黏， 拎起雞蛋咁大嘅麵團，用手沾少少油， 再向45度輕柔咁慢慢拉開，就會見到手套膜， 代表已經揉到完全階段啦。 揉好嘅麵團好光滑架。 將發酵好嘅麵團分成8份，一份大約35g， 造出嚟係迷你芝士條，下次試下分4份造大條版先。 將麵團搓成長條狀後輕輕壓扁，再等二次發酵。 同小朋友一齊整除咗可以碌包，仲有喞沙津醬同撤芝士碎。 呢幾條都係小菜苗裝飾架，睇下佢幾開心。 整得開心之餘，食得都好開心。 美的多功能食物料理廚師機 <產品試用> 介紹請看： https://fufulittlekitchen.blogspot.com/2019/12/blog-post_20.html