武漢肺炎來勢洶洶！10大最影響生活的事！ 武漢肺炎來勢洶洶！相信呢個新年一定非常難忘！出街必備：口罩/消毒洗手皂液！唔止冇得朋友見親朋好友拜年逗利是，以下10樣事情因為疫情狀況而發生，唔知有邊樣影響大家最多呢？ 1. 必定係掃口罩/消毒洗手皂液/抗菌用品！日日夜夜留意邊度有得賣以上產品，又要留意邊度有得排隊! 為了口罩，知道幾時開賣後，大部份市民早至凌晨去排隊都買唔到！政府幫唔到手就自己幫自己！ 2. 大部份公開活動被疫情取消了！放假必定一家大小去的主題樂園全都關閉了！多人聚集既演唱會都再次被取消！希望疫情快點好轉！ 3. 中小學校同幼稚園延期開學~  現在疫情嚴峻，也都擔心小朋友一齊會係學校引發大規模傳播，所以小朋友要留係屋企，盡量唔好去多人既地方！不過呢個安排就苦了一眾家長，要返工既家長就要四出搵人幫手湊小朋友！ 4. 唔出街？留係屋企慳口罩！現在既情況, 冇帶口罩真係唔好出街呀！想買口罩唔係話想排隊買就一定買到！相信大家都比好多網購平台CUT單！仲有店舖賣成過千元一盒黎令小市民更難堪！出唔到街買野, 唯有上網買啦！點知又係大部份既米，罐頭，都俾人搶到冇晒, 唉~ 5. 旅遊改期！多個地方禁止入境，香港人真係好鍾意去旅行！但係由於疲情狀態，已經有部份國家或地區禁止過湖北省嘅人入境，後來將範圍擴大到到過廣東省人士都一樣限制入境，防止病毒傳播！ 6. 出街乘搭交通工具都要注意衛生，搭交通工具要小心！乘搭交通工具個時人迫迫，又有機會會有身體接觸，真係要打醒12分精神！ 7. 各大商店、銀行、餐廳縮短工作及餐飲時間，政府機構都暫時休息~  依家都少左出街食飯或者聚會，減少傳播機會~  仲有部份政府機構都縮短工作時間或者提供有限度服務，務求將新型冠狀病毒擴散嘅機會盡量減低！ 8. 勤洗手，保持個人衛生！現在呢個習慣真係要好好保持！專家都不斷提醒大家要勤洗手，減低細菌傳播機會！做好自己，保持個人良好衛生！ 9. 有病睇唔到醫生? 依家連醫護人士都唔夠口罩同衛生用品使用！希望市面上既供應快的回復啦！大家都要好好保重身體喔！ 10. HOME OFFICE工作！現在口罩供應不足, 又唔希望出街去多人地方，所以現在很多公司都相對與員工作出相對應既工作安排 – 留家工作！盡量減少對外既接觸直到疫情有改善！ 唔知各位媽咪係咪中哂呢？點都好！希望呢個疫情快啲過去，人人都可以回復原本嘅生活！