最近既武漢肺炎搞到媽媽們唔敢帶小朋友出街， 聽到有媽媽話已經同寶寶係屋企閉關左1-2個星期， 完全放唔到電... 好難捱!! 最後敵不過寶寶們既瘋狂扭計，唯一帶佢地出下街... 但係佢地又唔肯戴住個口罩，點算好? 好擔心!! 好慶幸，錢寶自小就係幼兒學校生活。 咁多小朋友係學校，自然細菌都特別多， 所以佢地都好習慣係學校戴住口罩， 亦都好乖好接受戴住個口罩。 我都好佩服錢寶可以戴住個口罩係公園跑跑跳跳都冇投訴話唔舒服！ 老師們都會分享下經驗如何令小朋友們欣然接受個口罩： 1. 身邊所有人都一齊戴口罩，唔會只有小朋友一個要戴。 2. 當小朋友戴起口罩之後要瘋狂讚佢："做得好好啊！" "戴住左個口罩好靚好型！" (多數要跨張少少，哈哈!!) 3. 由於小朋友未必咁快適應個口罩，Ｄ口水鼻涕可能成日會搞到個口罩濕晒， 　家長們要多Ｄ留意下，如果濕左就要換個新既等佢地唔會咁唔舒服，佢地先會乖乖地戴住。 ---------------------------------------------------------------------- Facebook 專頁：Elvava Instagram：vava.nga