Hello~~ 出菇未呀? 你地困咗個仔响屋企幾多日喇? 我最高紀錄係14日呀XDD 我就快痴線喇~ 每日起身就係睇D口罩有冇cut單, amazon出貨未, 到咗集運未, 嚟咗香港未...... 好崩潰呀 T0T 我地做錯咗乜野呀!!! 仲要交咁叉多稅養佢地呢班垃圾!!!   算, 唔講0個抽垃圾, 一諗起就嬲!! 講吓每日做乜~ 雖然學校每日都有send video嚟, 又每星期都有派d home learning教材, 但24小時啊親~~~ 扣咗訓覺0個12個鐘, 仲要玩12個鐘啊...........  日日諗煮咩諗到發呆, 不過我算醒ga na, 年三十晚買咗成千蚊凍肉打爆咗個冰格, 唔出街齋食肉都夠食2星期XD 慳口罩同減低外出中招次數吖ma~~      煮飯煮到厭世咁滯, 今日唔煮飯, 我地玩整pizza~!! 比D野米豬做都好~ 你地都試吓吖~~ 包你0個餐唔駛叫個仔食飯~    材料: 麵粉團: 麵粉 220克 暖水 125ml 乾酵母 1茶匙 糖 半茶匙 油 3茶匙 鹽 1茶匙   pizza面 (2個約20cm pizza): 茄汁 4湯匙 粟米粒 3湯匙 青椒 1/4隻 墨西哥紅椒 1隻 墨西哥黃椒 1隻 吞拿魚肉 3湯匙 香腸 2條 蟹柳 2條 蝦 4隻 芝士碎 大量   造法: 麵粉團: 1. 暖水+乾酵母+糖混合後靜置10分鐘, 見到起泡為之成功令酵母做野 2. 麵粉+鹽撈勻, 倒入酵母液內, 搓成光滑粉團  3. 滾成球狀後放入已掃油大碗內 (起碼大粉團3倍), 蓋上保鮮紙發酵2小時 4. 取出麵團, 放已灑粉枱面輕拍排氣後分成2份, 搓圓靜置20分鐘 5. 按扁麵團, 由中心開始以手掌向外推, 同時不停轉麵團以保持圓形 6. 推到心目中大細後用叉响麵團表面均衡拮窿備用   pizza面: 1. 青椒, 紅椒, 黃椒, 蝦切粒 2. 香腸及蟹柳切片 3. 吞拿魚用叉整碎    成個pizza: 預熱焗爐220度 小朋友可以加入戰團喇~~~ 1. 將茄汁搽勻响Pizza面 2. 放入鐘意ge食材 (匙羮手指乜都得啦主子高興就得) 3. 加大量芝士, 掃平 做乜要chok呢仔? 4. 放入220度焗爈焗8-9分鐘, 食得~   放呢個武漢肺炎假以嚟, 食飯食得最順攤係呢餐, , 唔駛叫十次埋位, 唔駛叫廿次不飯, 全自動波拎住食, 仲一路食一路同爸爸講"我整ga!!!" 係喇~ 威喇!   煮食小貼士: 1. 已發酵ge麵粉團可以放冰格, 用之前拎出嚟解凍就可以攤平拮拮 2. 其實舖面ge食材隨心, 但記住唔好用D好濕/會出水ge食材, 如果好想用, 建議先炒熟得佢出晒水先舖面   希望武漢肺炎快D完! 康復香港, 時代抗疫! 我要食抗疫成功大餐!!!!!!!! 暫定: 生蠔 雞蛋仔   米豬豬的page~ 每日都update~  歡迎各位like & follow~ 亦都歡迎大家聯絡我同米豬豬一齊試用產品或合作~   https://www.facebook.com/NereusYu/