是咁的........ 米豬爸爸早幾日同我講"好想食生牛河呀......... 睇吓邊日出去食先~!" 出街食? 咁咪要响公眾地方除低口罩囉?! 隔離枱0個個有病點算?!?!?! NOWAY!!! 你想食, 得! 我整!! 我即刻搵料整!!   為咗唔比個老公出街食飯我可以去到幾盡A_A   材料: 牛骨 3件 牛展 1個 洋蔥 2個 白蘿蔔 1條 紅蔥頭 5粒 薑 1舊 蒜頭 5瓣 芫茜 6棵 肉桂 3枝 荳蔻 5粒 八角 4粒 丁香 半湯匙 魚露 2湯匙 鹽 2茶匙 冰糖 乒乓波size1粒 (以下份量整到2碗湯河) 乾河粉 1包 洋蔥 半個 芽菜 小量(今日買唔到好傷心) 高質肥牛 半磅 落晒肉同骨先醒起應該寫食譜, 唔齊料XD   做法: 1. 牛骨, 牛展放薑片及蒜頭(材料外)跑活水, 沖乾淨後備用  2. 湯煲凍水+牛骨牛展, 預留約2吋上升水位空間, 煲滾後轉小火煲2個鐘 3. 蘿蔔去皮切片, 洋蔥, 紅蔥頭去衣, 薑原條去皮, 放入牛湯煲內, 煲滾後小火煲1.5小時 塞晒入去滿到咁, 所以step 2叫大家要預留水位上升) 4. 芫茜洗淨後切根連埋莖備用, 粗身冇葉ge莖可以keep埋, 白鑊烘香後連蒜頭放煲湯袋內, 放入牛骨湯煲30分鐘 5. 同時間拍扁玉桂, 荳蔻, 連八角, 丁香一齊白鑊烘香, 放茶包袋內放入牛骨湯, 加入冰糖, 煲30分鐘  6. 撈起洋蔥, 紅蔥頭, 薑, 芫茜蒜頭袋, 香料袋, 順便不走D油 (但其實冇乜), 落鹽同魚露調味, 牛骨湯完成~ 7. 撈出牛展切片備用 8. 半個洋蔥切絲, 河粉按包裝指示煮熟, 放碗內, 落蘿蔔, 舖上牛展片, 肥牛, 芽菜(嗚....買唔到買唔到買唔到)及洋蔥絲 9. 將牛骨湯翻滾至大滾後淋湯上去, 一定要對正生牛0個邊淋落去  食得~~~ 唔夠味可以落魚露, 唔好落鹽   米豬都有份食~ 不過佢冇得食生牛, 佢食牛展河~~ 食到唔停口~ 爸爸對住我响屋企變咗碗生牛河出嚟表示震驚~~~ 以後唔好立亂同我講想出街食D乜乜勿勿喇~ 煮比你食ga~   煮食小貼士: 1. 牛骨同牛展跑活水很重要很重要很重要!! 因為個牛湯清唔清就睇你有冇飛走晒D血水喇~ 2. 下次再煲我會落2個牛展~ 未熟前成條手臂咁長, 煮完縮到拳頭咁大, 又煮得淋wo! 切0個陣都散咗一半, 嬲嬲豬 3. 見其他食譜會用草果代替荳蔻, 如果買唔到荳蔻可以試吓(我行咗半個西灣河先買到......) 4. 點解要買高質靚牛? 一嚟質素好D, 油花均衡易D淥熟, 二嚟你舞咗成個下晝整咁大煲湯, 買唔靚ge牛牛咪0徒咗自己一翻心血囉~ 5. 建議大家淥到個河粉軟身之後, 轉用牛骨湯煮到熟透, 咁D粉索晒D湯味就超正喇~ 6. 最後响碗調味記得落魚露, 用鹽會破壞咗越南風味 7. 建議你整埋蒜蓉牛油雞翼XD 咁就似越南餐喇~   米豬豬的page~ 每日都update~  歡迎各位like & follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/