成為母乳媽媽的四個心態      1.不要鑽牛角尖 每個母乳媽媽都會因為開頭餵唔到/奶量不足而感到氣餒，就算需要餵奶粉都唔好當成自己嘅錯呀????因為擔心唔夠奶令到自己感到壓力，對造奶都好大影響嫁！亦都唔好太介意身邊人嘅說話，只要堅持同放鬆心情面對當中問題，搵其他母乳媽媽一齊傾下有無咩解決方法????    2.不要比較 每個媽媽嘅造奶量都唔同，好似Hailiah 細個咁從來都係食得4安至6安左右，特別我係再度泌乳所以奶量都只係啱啱夠咋！總之夠佢食就得，每個人身體狀況不同，奶量當然會唔同，埋身嘅媽媽身體會幫你造夠奶，所以就唔洗怕唔夠嫁！    3.保持心境開朗 我以前啱啱餵返母乳嗰時，好怕自己食錯嘢而影響bb，小心飲食係好嘅，但搞到我自己精神緊張，食錯嘢又好自責咁。 其實有時食吓啲自己鍾意食嘅嘢(只要唔收奶嘅食物)，做下treatment 、整下頭、整下甲，最多泵咗岀黎唔餵一餐，其實都未嘗唔係壞事，湊bb已經係好辛苦，但媽媽都更加要自己尋找快樂，對bb對自己都會好啲☺️心情影響奶量係真嫁！    4.不要怕辛苦 好老實講做母乳媽媽係辛苦嫁而且唔可以懶，一懶泵奶又會塞奶，要照顧bb又要兼顧奶量，樣樣要小心，bb奶睡成日醒要啜奶，面對埋身bb會比較痴身，一定有足心理準備先做到母乳媽媽，雖然辛苦，但因為係愛呀，咁辛苦都係為咗俾最好嘅抗體佢哋。   Hailiah媽媽Facebook Page  http://www.facebook.com/hailiahli  IG:  http://www.instagram.com/Hailiah27     母乳訪問： https://youtu.be/PWoCU71uIgg 想知我點樣由退奶再餵返人奶？ https://reurl.cc/XXv3KD 追奶心得 https://reurl.cc/xDzk5N 放棄母乳因為... https://reurl.cc/M7nGaX 餵奶粉 vs 餵母乳 https://reurl.cc/nVWR9v