懷胎十月是每個孕婦必經階段，估唔到話咁快我就做左人阿媽，真係意想不到。 相信唔只我一個人覺得好突然，身邊朋友、老公、家人等等都覺得好似一切太快了。 事源係2019年年頭我為左去個Honeymoon，選擇左食藥去令經期提前。 但發現旅行過後自己增磅了不少，成個月不斷用返之後睇營養師減肥既方法去食野都減唔到，仲有做返運動，但成日都覺得好累。 有日仲去左行山，返到屋企覺得好唔舒服，仲發現有流啡，以為經期黎啦，點知又唔係。 我經期其實一向都好準，但由於上一個月食左藥，一直覺得會有所影響，所以等到過晒本身時間先走去買驗孕棒check下。 點知真係中左獎，第一時間緊係衝去同老公講。 然後大家第一個反應係好開心，但好快就變左好疑惑，感覺非常唔真實！ 但由於係星期日，無辨法即時去醫生度check，所以等到第二日星期一先打去以前睇過既婦科醫生度，最後得返個我唔太喜歡既婦科醫生，證實係懷孕6週。 之後感覺開始有d真實，但又好擔心，唔知要做d咩，因為又話未過3個月唔好同人講，但又好想了解多d，好在比我搵到個10月媽媽group，可以同大家一同討論及分享。   歡迎瀏覽與聯絡： Facebook Page Real Fun Family Instagram quentinwhy  Email travelwithrealfun@gmail.com