知道有左之後，好快就入左媽媽group，然後惡夢就黎喇！ 因為今次係第一胎，之前無做過research，有d預產期比我早既媽媽，佢地不斷講照到「閃閃」，我完全一頭霧水 係度問人咩係「閃閃」呀？ 原來即係BB既心跳，係照超聲波個陣會見到閃下閃下，所以媽媽group會用「閃閃」兩個字，仲要係8-10週先有機會照到！ 由於我係第6週發現有左，即時入group，個兩三個星期不斷擔心，因為正常未有「閃閃」醫生係唔會出懷孕證明，但呢個醫生又有比，而下次見醫生係第9週，所以好驚到時無「閃閃」。 因為照唔到，即有機會BB唔健全，即有機會BB無心跳，即有機會要流產 搞到擔驚受怕左幾星期，咁岩個排成日落雨，又驚自己行路唔小心，著唔夠多衫，唔夠暖等等！ 而「暖暖」個名既來源就係咁得黎既，因為我同暖爸講要夠暖，唔可以凍親，唔係有機會照唔到心跳！ 係9週第2日，終於見到之前想book個醫生了，係聖保祿註院醫生-方敏豪醫生，好多朋友都睇佢，所以我都選擇左去睇佢。 而係個日，終於照到暖暖既「閃閃」喇 BB心跳係比大人快，暖暖有186bpm，即刻放鬆晒了 不過其實只係過左第一關！下一關係做nifty pro or T21測試   歡迎瀏覽與聯絡： Facebook Page Real Fun Family Instagram quentinwhy  Email travelwithrealfun@gmail.com