街市終於有新鮮雞買啦, 買左半隻三黃雞, 比隻雞脾仔竹竹做飯仔, 我同山竹爸就食白切雞啦 我由細到大都好鍾意食白切雞, 因為公公整既薑蔥蓉簡直係人間極品.. 仲記得之前有個同事問我公公可唔可以整一大樽比佢添... 可惜以家已經食唔到公公既味道, 唯有去臨摹一下啦 =================⠀ 雞 半隻⠀ 薑 3片⠀ 蔥 2-3棵⠀ 粗鹽 少許⠀ ⠀ 煮法 1/洗乾淨雞內籠，抹乾淨，將粗鹽撒係雞入面同雞皮上面⠀ 2/將適量蔥段舖煲底(今日我用22cm buffet casserole)，再放上雞(面向上）⠀ 3/將薑片同餘下既蔥段放係雞上面 ⠀ 4/加蓋用中火，煲邊見到有煙就轉細火10-15分鐘，熄火後焗住*⠀ 5/將蒸雞既雞汁盛起備用，雞凍後再斬件上碟⠀ ⠀ 薑蔥蓉⠀ 薑 半舊⠀ 蔥 1-2棵⠀ 鹽 少許⠀ 雞汁 ⠀ ⠀ 1/將薑磨蓉、蔥切絲⠀ 2/倒入蒸雞既雞汁**，加入少少鹽拌勻⠀ ⠀ *熄火焗住可以用煲既餘溫令雞熟透，但又可以令雞肉嫩滑⠀ **用蒸雞既雞汁可以原汁原味，仲有雞既油香⠀ ⠀ ——————————————⠀⠀ FB: 山竹媽媽 X 竹竹日誌⠀⠀ IG: tamsiumoon⠀⠀ ⠀⠀ #山竹媽X竹竹日誌 #新手媽媽 #竹竹 #育兒日誌 ⠀⠀ #加固心得 #母乳餵哺 #竹媽廚房