上次講到下一關係做T21或者Nifty Pro, 呢兩個test都係做唐氏測試的，有99%以上準確，而且可以唔洗等照結構就知道性別！ 當你知道有左之後，你就要開始預約做呢個測試，如果過左某個週數就唔可以做，又或者做左會唔準。 經過上網不斷睇，又同媽媽group d 媽媽討論及格價。 我由本身做T21改左做Nifty Pro。 T21：貴d、check既野少d、但係係中文大授權機構測試。簡單d講，T21係勁d！價錢係＄5500－7000不等 Nifty Pro: 新d、平d、check 既野多d，但係係要拎返大陸check。價錢係＄4500－＄5000不等。 本身我係選左T21，但後來收到媽媽group既msg話T21而家都賣左比北京做test，所以兩種方法都變左係大陸野！ 所以就緊係選左做Nifty Pro啦！ 而我無選擇係St. Paul 度做，因為醫院宗教關係，唔會話比你知係男定女。 最後我就選左係公司附近做，其實唔知仲咩好鬼驚，可能因為個test有d咩事就唔可以要個bb，令人好鬼擔心。 而我個間收費係＄4500，包晒所有野，包左診金，照埋照聲波同抽血。但其實聽聞間間診所做Nifty Pro都唔同，有d只係代抽血做Nifty Pro化驗；有d只係包超聲波同抽血，所以一定要問清楚！ 而我呢個醫生就建議我係11weeks個陣時做，做完10日之後就收到個電話了，全部都係low risk，即刻放心晒！ 而姑娘都即時話埋性別比我知，仔定女其實我地一早有晒心理準備，因為第一胎，生仔又好，生女都好，都係自己既，下一胎求另一個性別就得喇XD 不過我地都覺得第一胎係仔，因為當我有左個陣同 玄明大師講，大師一知道就話會係仔；二來，大部分朋友都覺得我係生仔。 當然個結果都係一樣，係男仔！暖爸第一個反應話仔仔係暖男，同時間報告係寫住99％係male，暖爸話即仲有1％係囡XDDD 咁樣又過多一關了   歡迎瀏覽與聯絡： Facebook Page Real Fun Family Instagram quentinwhy  Email travelwithrealfun@gmail.com