宜家D人成日話贏在起跑線, 有D準媽媽可能BB未出世已經睇定心儀playgroup, N班, 幼稚園去邊讀, 其實媽媽做咁多野都係想小朋友聰明D, 學野快人一步,  不過我就無緊張到已經睇定幼稚園, 而係想藉胎教啟發小朋友同建立好親子關係多D, 經朋友介紹, 睇左幾本某育兒專家的書,  發覺有D小細節原來每日做一D,  BB好似的確同我之間嘅連繫感應強左好多, 大家都不妨試下;)   1. 利用錄音進行胎教 當時我同我老公都分別錄左一段錄音比BB, 介紹下自己同我地屋企XD, 話比BB聽好愛佢, 同埋講下講下故事咁…當錄音播左一星期左右, 我發覺每次當我老公摸我個肚同BB傾偈, BB都比之前表現得好興奮, 我老公好鍾意問亞B認唔認得爸爸把聲XD 好似好傻仔咁但亞B又踢佢隻手應佢bor! 但大家記得比BB聽錄音時唔好放得太近或者播得太大聲, 以免BB聽力受損. 2. 嘗試用圖像傳送信息比BB     呢個係講BB其實可以接收到媽媽好多信息, 但到底點樣接收呢? 就係媽媽多D在腦海以圖像諗住想傳遞比BB嘅信息, 其實聽落好       似有D神奇咁, 但我好鍾意朝早返工同夜晚在屋企同BB傾偈, 有時我會望住藍天白雲, 好似當影相咁在腦海諗住, 之後問BB "你睇    下今日藍天白雲幾靚, 你鍾唔鍾意咁好嘅天氣呀?鍾意就踢媽媽一下" 我唔敢講每次, 但BB真係好多時候都會踢一踢回應  3. 準媽媽向BB多灌輸你的愛 多d同BB講媽媽爸爸都好期待見到佢, 傳遞多D正面嘅信息, 有助BB形成穩定, 幸福的性格, 亦較少哭鬧不止! 我個人黎講覺得BB性格好重要, 好希望佢可以成日都笑, 有開朗嘅性格! 我真係日日摸住個肚同亞B講媽媽好愛佢架, 但我老公就好內歛, 唔會同BB講我愛你, 我個仔出世之後, 又真係好鍾意笑 (特別望住媽媽個陣XDDD) 我諗多多少少都有D影響   或者大家睇到呢度會諗有無咁神奇?當然我唔可以排除係我一廂情願以為BB回應我姐, 但我覺得大家得閒都不妨試下, 說不定你會有意想不到的驚喜!