自從MATT豬出左世屋企多左個BB後, 個人衛生/家居清潔都會變得特別小心, 例如: 每次回家後都一定會沖涼換衫先抱BB, 換片前都一定要確保雙手同衣物係乾淨先好接觸BB! 更會叮囑家人都要咁做! 最近加上疫情非常時期, 令到媽媽我更加小心同緊張! (唔係講笑的) 始終BB太細個 (未到三個月), 抵抗力一定係比大人弱, 所以好難會唔擔心吧! 雖然已經唔會帶BB出街避免接觸到細菌, 但 屋企人每日都要出門返工就無辦法, 自然好驚大家會將細菌帶回家影響BB~ 所以唯有每日都勤力做好家居消毒, 對抗疫情, 減少細菌 (盡力做)! 縱使家人會覺得我過份擔心, 甚至精神緊張! 唔洗樣樣都話要消毒, 但因為呢個冠狀病毒實在太可怕, 叫我點樣唔緊張呢? 所以我一於堅持, 仲會日日夜夜都不停叮囑叫家人要消毒, 成日叫佢地洗手 除左出門帶口罩&勤洗手之外, 每人返到屋企都要將鞋踩沾濕漂白水既毛巾上先入屋再噴鞋, 入屋後全身噴剎菌噴霧再立即沖涼洗頭洗衫! (老公仲話我係衛生署, 每日嚴格監督大家, 做少樣都會被鬧, 哈哈) 無論幾麻煩, 為左BB為左人人健康就要盡力做得幾得幾多, 每日都要不停重覆消毒真係人都癲, 真心會好攰好攰……雖然唔知係咪一定有用, 但做左就一會安心D, 至少可以減低病毒傳播既機會! 每日必做消毒: 家居: 漂白水拖地 消毒門柄 消毒廁所板, 沖廁手柄 消毒BB床 開空氣清身機 注水廁所去水位 個人衛生: 勤洗手/用搓手液 飯前必定要洗手 入屋將鞋踩沾濕漂白水既毛巾上再噴鞋 入屋後全身先噴剎菌噴霧再立即沖涼洗頭洗衫 個人物件: 消毒抺電話/銀包/八達通 消毒噴背囊&手袋&鎖匙 消毒工作台/Keyboard/mouse 希望疫情快D過, 細菌快D消失! 一齊做好防疫, 香港人齊齊加油呀 謝謝收睇喔 期待下一次同大家分享更多媽媽日常! 以上純粹本人分享，大家可以自行評估適合/不適合喔~~(如有問題, 歡迎PM我) 歡迎FOLLOW INSTAGRAM / FACEBOOK 交流更多懷孕/育兒心德~ MATT豬媽媽日常生活可關注: INSTAGRAM / FACEBOOK 歡迎產品試用/邀犒合作/活動邀請: EMAIL chuimei_chung@yahoo.com.hk     <br />