响屋企困到抑鬱咁滯, 寫返D開心野先~~ 上年11月同老爺奶奶一齊去大阪+京都~~   10點幾機去~ 我地一早就call定車, 接埋老爺奶奶就一齊去機場喇~~~ 去到好快咁將行李寄艙就排入去等上機喇~~ 入lounge食完野, 玩一陣已經去排隊上機嚕~~~ 呢個打卡位我地又點會放過呢~ 飛咗3次終於影到XDD   未上得機, 同嫲嫲去望吓我地架飛機先~  由於米豬仲係小朋友, 以佢ge身高望住飛機椅背個mon, 望到斜視都未落機, 所以同學仔媽咪教我整咗呢個私人影院比米豬XD 你需要ge係一個最大碼ge密實袋, 1條50cm長ge繩, 一對headphone同一部ipad 將部ipad打橫放入去, headphone plug位拮個窿插headphone, 响機頂個邊位穿條繩過去綁埋佢, 再用椅背餐枱個扣扣住, 就完成個呢個私人影院組合喇~ 當然你需要事前將主子喜愛ge影片save咗落去先, 唔好諗住睇tube tube呀, 响飛機上唔到網ga~ 我地都download咗幾個小遊戲比米豬玩, 扮醫生啦, 扮地盤啦, 仲有消防署一D防火知識ge遊戲   除咗ipad, 我隨身仲帶咗3本貼紙書, 1盒顏色筆, 1本簿仔同埋海量零食 (乳酪粒粒, 餅, 果乾, 山渣餅, 八仙果) 睇咗2套戲又食咗D野又痴吓貼紙~ 落機嚕~! (全程冇訓過..........)   落機後即刻搵個廁所捉米入去換片, 仲有著返件羊毛底, 我都著返條厚legging打底~~ 因為市區得12度咋~!! 完成晒入境手續, 拎咗行李之後米豬就响BB車訓咗嚕~~ 梗係啦~ 今朝7點幾起身撐到而家~  睇唔到靚靚Rapid車身~   佢個眼訓ge程度, 係我地將佢响BB車搬埋上櫈都未醒XDDDDD 幾驚佢訓到落咗車都唔醒, 話冇搭過鐵鐵呀, 好在搭咗幾個字就醒咗~ 趕得切落車同呢架咁型ge鐵鐵影相~~~ 我地呢架車係直達難波ga~ 好方便呢~~   放底晒行李之後就行過道頓崛0個邊~ 因為我地Book咗蟹奉行放題呀~~~ 可以瘋狂食蟹呀~~ 米豬好開心呀~~~ 但原來選擇唔算好多, 以下呢2張相就係 全 部 食 物 了~~~ 佢另外有熟食炸物0個D可以叫ge, 但海鮮類我覺得偏小囉~ 而日本人係唔燒蟹, 佢地係叫shabu shabu淥白色0個D蟹食ga~ 我梗係唔執輸死跟啦~ 原來咁樣食好過燒好多倍ga~!!!   食完就响道頓崛行過心齋橋, 固力果人你好嗎?~ 姐姐返來喇~~ 米豬好鐘意蟹道樂隻蟹, 仲係咁扮佢郁, 老爺就話蟹道樂好食過蟹奉行, OK~ 下次食返蟹道樂啦~ 之後就行咗入我最愛ge daiso~~ 係我同奶奶ge天堂呀~~  米豬發現貼紙天堂~~~ 張張都話要, 張張都話買, 不過佢話買比朋友仔, 算你啦~ 去玩都掛住班好兄弟~~ 爸爸埋單單唔該~~~  好滿足拎住自己個籃响度掃貼紙的小朋友~    我同奶奶就一人一車日用品, 扣針都買咗幾廿pack XDD 仲有尿片呀~~ 我今次帶咗十塊上機咋~ 過到嚟買就OK啦做乜要抬嚟抬去啫XD   買飽飽就返酒店嚕~~   米豬大阪京都之旅 飛媽媽 - 又執行李去旅行 - 咁凍點著好? 飛媽媽 - 租BB車去旅行? 飛媽媽 - 大阪here we go~!   loading..... 飛媽媽 - 拋夫棄子shop爆Akachan 飛媽媽 - 奈良小鹿初接觸 飛媽媽 - 終於去到海遊館 飛媽媽 - 京都 - 夜楓  飛媽媽 - 錦市場+嵐山小火車 飛媽媽 - 京都鐵道博物館   米豬豬的page~ 每日都update~  歡迎各位like & follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/   赤米Nereus, 全職媽媽, 親子遊, 大阪親子遊, 京都親子遊, 紅葉, 京都鐵道, 自製機上私人影院