轉眼 Big Boss 今個星期3就1歲,疫情關係唔可以出去影家庭相,就襯星期日提早整蛋糕影cake smash啦 慶祝小朋友生日梗係要有個佢都食得既蛋糕先有意思!! 仲可以用埋黎影 cake smash 小朋友食得開心 大人又安心 港女式不經意唔望鏡頭 材料: 雞蛋糕 (4寸2層蛋糕本體) 低筋麵粉 50g 雞蛋 3個 配方奶 30g 油 30g (建議牛油果油 / 核桃油) 檸檬汁 幾滴 糖 15g >>*可省略;如用,建議天然羅漢果糖 / 海藻糖*<< 裝飾 希臘乳酪 士多啤梨 藍莓 做法: 雞蛋糕 (4寸2層蛋糕本體) (1) 預熱焗爐140度 (2) 將蛋白 蛋黃 分開放於2個碗 (3) 蛋黃加入奶及油拌勻,再篩入麵粉拌勻 >>*畫一字方式輕輕拌勻,唔好打圈*<< (4) 蛋白加幾滴檸檬汁打至企身 >>*如加糖,哩個步驟分3次加糖打至企身;加糖會令蛋白打發後更穩定,焗出黎較靚,但今次蛋糕面會搽希臘乳酪,所以唔靚都無所謂,俾BB食唔加較好*<< (5) 將蛋白霜分3次加入蛋黃糊拌勻 >>*用畫一字方式輕輕拌勻,唔好打圈*<< (6) 放入模具,'鄧' 幾下消除大氣泡 (7) 入焗爐約130度40分鐘 裝飾 (1) 蛋糕放涼後,將大及細既蛋糕面切平 >>*焗得平衡同靚既話當然唔需要啦*<< (2) 先將低層4寸蛋糕搽上希臘乳酪 >>*我用koukakis greek yogurt,夠杰身唔需要前1晚預早隔水,但唔係無糖希臘乳酪,不過相對其他牌子鈉同糖比例算低<<* (3) 疊上細蛋糕,繼續搽上希臘乳酪 (4) 隨心用生果裝飾 備註: ••*由於我想蛋糕高d同有層次,我加高左蛋糕同整多層唔同大細;將蛋糕糊分別放落2個4寸蛋糕模 同埋 幾個 Le Crescent 蛋糕仔焗模,焗好切平再疊埋加高 ••*個檸檬淨用幾滴有d浪費,可以加檸檬汁甚至果肉落蛋黃糊,蛋糕就有淡淡檸檬香味 ••*蛋糕做法步驟 (3) (5) 要特別留意 Follow IG: mommynbigboss https://www.instagram.com/mommynbigboss/ Like & Follow FB: 港媽與Big Boss https://m.facebook.com/mommynbigboss/