終於有時間記得一下第一次悠悠出遊記，本來呢次旅行係安排喺悠悠既兩歲生日前，結果無奈地喺原定日子我哋出發唔到 遲啲再分享點解出發唔到，同埋旅遊保險的重要性。 起飛時就瞓著左好乖女，不過瞓醒左都未起飛　因為話機上面個廁所壞左要緊急維修結果大家喺機上等左成個幾鐘先真正起飛。好彩悠悠都無扭計，瞓醒食下玩下就過左個機程啦～ 由六月改到九月出發，恰好入秋天氣非常清涼，每天都有藍天白雲，舉起相機女兒一個笑容咩都值得。 我們6日5夜大阪自由行是先到京都3晚再回大阪2晚，先記錄一下Day 1 & Day 2。 我們是hea 遊家族，沒有計劃太多行程，亦沒有車牌，每日簡簡單單來回酒店不超過一小時的車程已經足夠。 Day 1 一到步大阪就搭 Hello Kitty JR去京都, 最直接係搭Haruka線，如果唔用IC card就埋去counter買飛。 多數日本通朋友都會已有ic card，就好似香港既八達通咁，直接入閘自己上岩車去京都方向就得。由於我哋中午機，班機delay左又再搭3小時JR去京都，到埗已經係晚餐時間。好彩酒店好近京都站，又有便利店同激安喺樓下，所以好快食完第一餐烏冬就可以上房休息啦。 可以去Klook購買 ICOCA卡，然後去到關西機場領取https://bit.ly/2w5py8O 酒店仲有welcome gift 俾悠悠添，日本多數酒店都有welcome gift既。 隻鴨仔係俾小朋友既, 哈哈~ 另外仲有面膜同埋eye mask 我哋既酒店選擇以地點方便為主，去日本咁多景點早出晚歸，酒店唔需要太親子。 酒店網址：https://bit.ly/387idCF   Day 2 講明hea遊，梗係去個又近又靚既地方。伏見稻荷大社⛩ 因為實在太近，我地去左2次, 第一次悠悠行到一半瞓左，第二日又再黎再行多次。 9月份既天氣超好，藍天白雲點影都靚, 天氣又清涼完全唔熱 鐘意影鳥居⛩既大家，黎到京都一定唔會錯過伏見稻荷大社呢個地方。 搭乘JR奈良線京都站搭2個站，喺稻荷站落車，一出站對面就係啦！方便到，我哋連續兩日一瞓醒就去 伏見稻荷大社 https://kyoto.travel/tw/shrine_temple/180 * 入場費：免費 * 交通：從 JR 奈良線稻荷站步行 3 分鐘 從京阪鐵路伏見稻荷站步行 5 分鐘 * 開放時間：7:00-18:30 / 8:30-16:30（祈禱） 向上山方向行完，記得落返黎右手邊仲有條小食街，有Ｄ餐廳同街頭小食可以試埋呀。 ——————————— 更多日常片段，歡迎follow我 FB: https://www.facebook.com/tszyaumama/ IG: http://www.instagram.com/tszyaumom #hkbaby #hkmom #親子 #育兒 #健康 #湯水 #blogger #KOL #香港媽媽 #湊女 #成長日記 #食譜