肺炎肆虐，中醫師教路: 要預防，就煲啲養陰潤肺嘅湯水，例如姬松茸、羊肚菌、沙參、玉竹、麥冬、雪梨乾、無花果、雪耳...... 所以我哋呢兩三個星期都煲多咗呢類材料嘅湯水，提升免疫力，打好個底，預防肺炎。   沙參: 清熱養陰，潤肺止咳 海玉竹: 益氣潤肺 雪梨乾: 潤肺清燥 無花果: 清潤開胃 百合: 清熱安神 海底椰: 止咳潤喉 蓮子: 安神   材料: 1. 沙參 30g 2. 海玉竹 30g 3. 雪梨乾 7-8片 4. 無花果 4粒 5. 生曬淮山 8塊 6. 百合 1把 7. 蓮子 1把 (可省略) 8. 海底椰 1把 9. 陳皮 1瓣 10. 南北杏 適量 11. 西施骨 40蚊 12. 水 3-3.5L   做法: 1) 肉汆水，備用。 2) 蓮子用清水浸軟，去芯。 3) 陳皮用清水浸軟，刮囊。 4) 其餘材料浸洗淨。 無花果剪開半 (易出味)，備用。 海玉竹切片，備用。 5) 煲內注入水，將所有材料加入，大火滾30分鐘，轉慢火煲90分鐘，之後加入適量鹽調味，飲得。   notes:- 1) 材料有藥材成份，要了解自己個人體質是否適合飲用。