地獄廚神 之 《簡易蘿蔔牛腩》   平時真係好少煎、釀、燘、炸既食物。因為湊住兩個小朋友都盡量簡單快捷。煲湯、煮飯、蒸水蛋、烚下菜。   清茶淡飯到老公同個仔都口淡淡。加上疫情令小朋友無出街活動無晒食慾。所以今次整個清淡既蘿蔔牛腩比John同老公食下。 （以下方法牛肉檔哥哥教）    材料： 牛筋肉、 牛坑腩 、牛孖筋 、蘿蔔、薑、冰糖、柱侯醬 1. 牛筋肉、 牛坑腩 、牛孖筋 先用薑汆水   2. 汆水後牛腩會縮水，將牛、蘿蔔 切麻雀大小        3. 落冰糖、柱侯醬 燘  「牛孖筋 燘2小時、       牛筋肉、 牛坑腩 燘1小 時、        蘿蔔 燘35分鐘」    （我為左快食方便，分開三個煲燘再合併） 4.燘 2-3個鐘食得。    牛肉檔哥哥話想淋啲就落多啲冰糖。 我就唔想咁唔健康，落左兩粒冰糖夠晒甜，柱侯醬就落左一匙燘牛腩，收水後再落多匙上色。 係落多匙前我先????起一兜比John，小朋友唔好食咁鹹。     #簡易廚房 #大人小朋友都岩食 #健康食法 #牛腩 #牛筋 #牛孖筋 #汆水 #薑 #冰糖 #地獄廚神 #地獄廚房