貝媽終於買咗個新書架畀貝貝，希望佢望多啲書可以培養到閱讀嘅樂趣！之前一直都收埋晒喺個櫃到，佢就唔願打開搵書。果然，安裝咗個書架之後佢睇多咗書，同埋依家好似有自己一個小天地咁，每晚臨瞓仲話要睇書，唔肯瞓覺添！目標算係達成咗！   我揀小朋友書架有幾個原則： 1. 要望到書嘅封面，令佢望到封面就有興趣拎出黎望，同埋訓練到佢記憶力，依家好易就搵返自己想睇邊本書。   2. 容納量要多，我依家呢款係四層，都擺到幾多書，但我見過有啲款擺得2/3層，容納量唔多，擺幾本書就滿   3. 屋企玩具太多，依家又多咗三格位收納玩具，擺佢堆火車啱啱好！   4. 個款最緊要靚，依家襯埋佢張粉紅bb床，好靚！   最重要，個書架係我自己砌架，我為咗貝貝快啲有製成品，我竟然自己砌一個書架！果然，為母則強！見到貝貝鐘意我都好開心！ 如果想知邊度買，就留言俾我啦！       —————————————— 喜歡我地一家三口就follow我地啦，仲要 Set 做搶先看呀～ Facbook page: 貝貝Alice-小寶貝夢遊日記 Instagram: bowl_lam