梓唯一歲人仔都未夠，我地開始俾書佢睇。其實書既內容唔係重點，認識書呢個媒介先至係目的。早啲培養閱讀為興趣，但願小朋友日後喜歡閱讀，能夠為自己選書。 暫時我有三款書準備咗俾呀仔睇既。第一款係布書，因為呢個時期小朋友出牙仔，喜歡擺野入口，睇布書就算牙痕又搣又咬都唔會整爛本書，好襟玩。 第二款係繪本 (Picture Book)，勝在有顏色豐富的圖畫，吸引住呀仔眼球。同時每頁只有一兩句短句子，順道讓呀仔認識文字這媒介。當然，暫時同呀仔講故事都仲係言之尚早，所以我會傾向同佢一齊發掘下本書入面既公仔，指住啲雀雀同花花草草。 最後一款俾呀仔睇既係有真實圖片既Big Book。顧明思義，Big Book係大書，方便揭頁之餘亦唔駛哄太埋都望到張相。書入面有啲真實相片，小朋友易啲有共鳴。例如有一頁係有唔同水果既相，梓唯望到藍莓或者其他見過既食物就會好雀躍用手指仔篤篤下。 不過，始終我覺得呢個階段都係以認識書為主，切勿嘗試以太深既書「虐兒」，只會適得其反。最後，不論是甚麼形式既書，始終都係要靠父母伴讀才能發揮最佳作用。 泥圍爸爸的育兒時光 Facebook https://www.facebook.com/laiwaipapa/ Instagram https://www.instagram.com/kennethlaife/