[小熊與薯片兔的生活日常] 自家製尿片蛋糕   唔經唔覺都湊左小熊b 23個月喇...  今日係佢 23個月大，仲有一個月就踏入 trouble 2喇... Happy 23th month...  希望你下個月2歲時都乖乖地，唔好做個超級 trouble 2 (少一啲 trouble) 先同個小熊b 切蛋糕，然後就到今日嘅真正主題.. 今日其實係想教大家製作一個靚靚尿片蛋糕.. 有朋友早幾日生左個囡囡，我整左個尿片蛋糕送俾佢，順便可以教大家製作步驟.. 製作步驟一啲都唔難，唯一難在要考驗下大家嘅耐性... 只要有耐性，慢慢整同埋裝飾，相信每位媽媽都可以整到一個靚靚嘅尿片蛋糕..   尿片蛋糕製作步驟： 1. 材料準備： 包裝袋，尿片約 30-35塊 (雙層尿片蛋糕的份量)，膠紙，雙面膠紙，尿片蛋糕裝飾，絲帶，給寶寶的禮物 (最好有紗巾/ 毛巾/ 被子/口水巾，方便用來圍著尿片蛋糕外圍)  2. 將尿片拆開，每一塊卷好，然後放入包裝袋用膠紙封好，獨立包裝 (這樣比較衛生，以免尿片拆開後受潮同鋪塵) 3. 用橡筋將獨立包裝的尿片固定成圓形 (由於我製作的是雙層尿片蛋糕，所以我固定了一個大圓形，一個小圓形) 4. 慢慢地將禮物裝飾在圓形尿片堆上，禮物可用膠面膠紙固定好在圓形尿片堆上面 (如果有紗巾/毛巾/被子/口水巾、就將佢摺好圍起左大小圓形的外圍，這會比較美觀).... 然後用絲帶打蝴蝶結在尿片蛋糕的外圍，確定綁實後，將剛才步驟 3用來固定的橡筋拿走... 5. 把所有給寶寶的禮物固定好，就完成喇..   尿片蛋糕準備小貼士： - 選尿片：選比平日用的大一碼，因為尿片蛋糕媽媽都捨不得拆開，會放置一段時間都來裝飾/拍照... 如果買跟平日一樣的尿片碼數，可能到媽媽捨得拆開來用時，寶寶已經穿不下，尿片碼數太小了 (這只是個人建議，因為我是愛拍照的媽媽)...  - 選禮物：選一些紗巾/毛巾/被子/口水巾類別來將尿片蛋糕外圍圍起來，效果會比較漂亮... 如果係女仔禮物，可以選擇髮帶，髮帶可以用來固定尿片堆成圓形... 另外，就是要選擇適合 bb的禮物，例如玩具/襪子/ 鞋子/髮夾/衫仔等等... =============================== Facebook： https://www.facebook.com/jaynjocemami/ 生活易靚太 club： https://wow.esdlife.com/bi_be 香港媽咪幫 mamibuy：小熊與薯片兔媽媽 https://mamibuy.com.hk/home/19407