2020-02-15     經過day2早出晚歸嘅一日後，今日放鬆番腳步，休閒一下。     今日我地9：30a. m. 先出發，慢慢搵cafe食早餐，不過原來廣島站得幾間咋，唔似東京大阪呢啲地方有咁多     搭路面電車，可以入錢，亦可以好似我地咁用IC卡（上車落車都要拍卡） 呢日係星期六，超多人搭阿 我地目的地係：廣島城、護國神社，所以要搭去 紙屋町東 站，然後再行一段路仔過去。 最後我地只係參觀左護國神社，無上到廣島城（帶住兩個小小小朋友就無謂特登行去影張相） 反而我地係入口玩左好耐，因為有得餵魚啲魚全部都超大條 自助買魚糧（記住要有美德，唔好諗住無人看管就唔俾錢阿） 我地買左成5-6碗仔魚糧慢慢餵     之後轉戰去廣島最熱鬧嘅紙屋町商店街個頭 食野行街，唔洗搭車架行過去好快就到 行行下街軒軒係bb車訓左攪，我地就搵間cafe坐低休息下食個甜品     休息完繼續用雙腳行去 原爆 所在地（廣島嘅景點全部都好集中，所以真係用腳已經好快行到過去）     紙鶴塔已經係隔離 一入門口有間買手信鋪頭，隔離就可以買飛上觀景台，絕對值得上去，因為上面會有幾個波波帳蓬可以入去坐，限時30分鐘，我係呢度餵埋奶添仲有啲職員會主動埋黎幫手影相，有外國人士職員架。 出示passport買飛仲有折扣，只需￥1200 成人（軒晞不用買飛） 睇完風景落下一層有得自己摺紙鶴， 有圖有影片或者有職員教， 接完後可以自己放隻紙鶴落去某一層度， 行出去放紙鶴地下係透明玻璃黎架     仲有一樣好好玩嘅嘢， 大人細路都可以玩， 仲要係免費 就係瀡滑梯啦 接完 紙鶴 除咗可以選擇搭升降機落返去地下， 仲可以喺外面瀡滑梯落返一樓，我地都有玩， 我哋都一直 瀡滑梯 到地下一樓     最後返去紙屋町嗰邊啲商店街食晚餐， 就係經過今晚食拉麵， 餐廳俾咗筷子軒軒， 係普通小童筷子， 唔係嗰啲有手指圈圈嗰啲， 畀我哋發現咗軒軒原來已經可以識得用普通筷子夾到食物 （佢幫細佬除嬲）     食飽搭返車番廣島站，有間Yours超市收十點，買大大盆壽司番去同老公做宵夜                   產品試用/活動邀請/其他合作 歡迎聯絡：tanleesharon2004@yahoo.com.hk 謝謝   Fb: [http://www.facebook.com/leessssfamily]