[小熊與薯片兔的生活日常] 孕婦攝影。孕照   唔經唔覺，我嘅小熊b 快要兩歲喇，而薯片兔妹妹就快出世... 今次懷孕，本來打算影兩輯孕照 (一輯同閨密影，一輯同老公+小熊b影) 可惜世事難料，遇上”新冠肺炎”，最後決定取消同老公+小熊b 一齊影嘅孕照，退回已付嘅訂金..   傷心事就不提了，而家講返開心事先... 同閨密影嘅孕照，好滿意，因為影出來嘅效果同我地預期嘅一樣... 開頭我地book 攝影師時其實都有啲困難，因為唔係好多攝影師會同時影3位孕媽媽...  同埋3位孕媽媽同時影相，要安排化妝師，同埋預計嘅化妝時間又長啲..  我地問左幾間唔同嘅studio，其中有3間都肯幫我地影同埋岩我地風格..  最後考慮清楚，選擇左 Yours Memory，因為我地深深被 studio嘅大背光效果吸引住.. *** Yours Memory 有兩個唔同嘅 studio ，所以預約拍攝時要留意安排 - studio K：葵芳，女攝影師拍攝配搭溫馨同古典場景 - studio T：荃灣，男攝影師拍攝配搭大背光寫真場景 *** 建議於孕期的28-32週拍攝，拍出來嘅效果會較好 (但因為我地3人行要夾日子，拍攝時我地分喇係 32週/24週/18週左右)   好不容易終於等到拍攝當日，咁岩當時遇上”反送中期間”，都驚會影響拍照日子... 我地一行3人個按照預約好嘅時間去到studio (果然沒令我地失望，落地玻璃，大背光效果) 到達studio 後，好快就化妝，試衫準備影相.. 拍攝前，我地都同攝影師傾好想要啲咩效果嘅相，攝影師都滿足晒我地嘅要求... 我地大概影左 1.5小時左右，整個拍攝過程好 casual，好順利，亦都唔會太攰... 攝影師又好有耐性，聽住3個女人吱吱渣渣，認真是三個女人一個墟... 影完相後，最期待的時刻到喇，就係睇相...  通常影完相都好心急想睇下啲相靚唔靚，同埋想post下..  影完相，仲可以即刻買隻 USB 帶走晒啲相返屋企慢慢睇，同時亦會過埋啲相去 iphone 俾客人帶走... 然後，開心滿意嘅孕婦攝影就咁告一段落.. 回家後，就係等收相同揀相，然後等執相...   我有少少心急，所以我就 upload iphone啲相俾大家睇下..  基本上唔駛點再執，tune少少顏色同執少少肥瘦就可以...    拍攝程序： 1. 在拍攝前幾天，studio會提前俾定album俾媽媽睇，可以預先望下有咩衫同埋揀定衫.. 2. 拍攝當天，預留1個小時左右俾化妝師幫媽媽化妝 3. 選衣服+試衣服 4. 拍照... 拍照時間一般為1-2小時 (視乎所選取嘅拍攝套餐而定)   拍照小貼士： - 選內衣：自備黑色/白色 tube top同底底 (一般淘寶都會搵到，只要keywords 搜尋 “孕照內衣” 就有... 如果唔想淘寶，可以去 6ixty8ight/uniqlo 買) - 選衣服：我會為自己同老公襯定情侶衫影相用，一般都會買件牛仔襯衫/白色恤衫當褸仔著，同老公襯返... 如果同閨密一齊影，咁可以夾下一同一系到嘅衫，我今次同閨密影相時自備左裇衫... - 選道具：超聲波相/初生衫仔襪仔/公仔/大氣球 (唔駛太興奮準備太多，淨係帶啲一定要入鏡嘅道具就可以) - 身體狀況：一般拍攝時已經係孕期後期28-32週，所以媽媽要好好留意自己身體狀況，量力而為.. 如果拍攝中途真係太攰又或者啲pose太難擺，記得同攝影師講，攝影師會明白的...    拍攝：Yours Memory Photographs  https://m.facebook.com/Yoursmemory/ https://www.yoursmemory.com/photo-albums   #maternityphoto #孕婦攝影 #孕照 #拍照小貼士 #yoursmemoryphotographs #小熊與薯片兔的生活日常 #小熊與薯片兔媽媽 #香港媽媽 #香港blogger #澳門媽媽 #澳門blogger =============================== Facebook： https://www.facebook.com/jaynjocemami/   生活易靚太 club： https://wow.esdlife.com/bi_be   香港媽咪幫 mamibuy：小熊與薯片兔媽媽 https://mamibuy.com.hk/home/19407