人既潛能其實可以去到幾盡？有時侯小朋友既潛能真係估唔到既，每日都在生活中學習。就好似今日呀仔示範左兩種食麵包既方法俾我同太太睇，第一種係大大啖咬落個包度，而第二種就係溫文爾雅地把麵包撕成小塊再放入口。其實兩種方法都無教過，只要唔係玩食物同食得太污糟，在小事情上能夠找到自己方法去摸索同解決，我們作為父母便不打算干預。 正如近年備受推崇的STEM教育，事實上正正是透過跨學科的學習，培養觀察力和解難能力。闊別校園多年，我沒有剩下太多的學科知識，但我諗我可以做既係先引導呀仔在幼兒階段多探索四周的事物。如果太早灌輸STEM的學科知識俾呀仔，你一定會覺得我好痴線，所以我就諗會唔會有其他方式先打好根基。 上網做做資料搜集，見到香港教育大學幼兒發展中心做左一項研究，提出SIME嬰幼兒課程模式可以幫助嬰幼兒的成長。SIME分別為適切的刺激(Stimulation)、互動(Interaction)、持續的學習動機(Motivation)及積極及適切的早期經驗(Experience)。以首三個元素SIM為小朋友帶來身心發展的早期經驗，讓他們在往後的在健康、身體動作、語言發展、認知發展、情意和群性有更好的發展。 最近家中接收了親友送贈的小型鋼片琴玩具，我地簡單同呀仔示範下玩法，用小錘敲打不同顏色的鋼片發出聲響和互動。小朋友可籍著敲打動作訓練大小肌肉同聆聽不同的音色。兩三日後，小朋友試著用小錘的柄部和其他不同物件來製造聲音。雖然有時候會變成亂打一通，不過有時候探索都係學習過程，既然無傷大雅又玩得到，不如放手讓孩子自己試試，或會發掘更有趣的玩法。 正如五音不全既泥圍爸爸硬著頭皮以歌聲氹呀仔訓一樣，其實氹得到訓得著就得。既然最後能夠解決問題，唱左乜同唱得好唔好聽，who cares? 想了解更多SIME嬰幼兒課程模式，可以瀏覽http://eclc.eduhk.hk/zh/sime/   泥圍爸爸的育兒時光 Facebook https://www.facebook.com/laiwaipapa/ Instagram https://www.instagram.com/kennethlaife/