Matt豬未出世時就諗究竟餵人奶定配方奶粉好呢? 呢個問題應該所有媽媽都有煩惱過的~ 營養方面, 雖說母乳係最天然又安全的食品, 有營養和抗體~ 但事實上配方奶粉都一樣有優勢, 而且營養都相對全面~ 所以只能說向各有各好處呢! 講返我自己先, BB係醫院個幾日都係飲配方奶粉的~ 本來我應該都算係個富媽媽 (如果堅持勤力泵的話 哈哈), 因為第三日已經谷奶, 第四日返到屋企試下就泵到90ml, 第7日就已經泵到120ml~ 當時自己都估唔到咁輕鬆地上到奶~ 不過出院返到屋企頭一星期真係太攰又唔夠訓, 所以一日只泵到一至兩次比BB飲, 其他時間就飲奶粉為主~ 又有試過帶BB出去檢查後太忙搞到完全唔記得左泵, 再加上Matt豬有黃疸又擔心, 想佢飲奶粉令奶量較充足可以快D退黃~ 種種原因令我無勤力地泵奶, 奶量亦都迅速減小, 好快已經回奶了...所以斷斷續續只餵左大約10餐母乳就停了~ 之後就一直飲配方奶粉. 我一直都係抱住輕鬆心態, 覺得只要BB唔會餓親, 其實餵人奶定奶粉都一樣有營養 無問題的~ 睇住Matt豬一日一日成長, 由出世時只有2.85KG, 到而家三個大已經超過8KG (吸收都算唔錯丫), 同埋全身都好有肉地令好多人都覺得佢唔似三個月TIM, 哈哈~ 我已經好滿足了! 所以個人認為無論係餵人奶定奶粉只要媽媽用心照顧好, BB就一定會健康成長! 千奇唔好覺得餵母乳先係個盡責好媽媽! 唔好令自己太大壓力呀! 反而產後媽媽既心情同心理質數先最重要! 因為要照顧初生BB已經好辛苦同好攰, 如果再因為餵食問題令自己心情唔好就好容易變成產後抑鬱! 到時就真係會影響BB啦~  記住天下既媽媽都一樣咁偉大的! 加油呀!    謝謝收睇喔 期待下一次同大家分享更多媽媽日常! 以上純粹本人分享，大家可以自行評估適合/不適合喔~~(如有問題, 歡迎PM我) 歡迎FOLLOW INSTAGRAM / FACEBOOK 交流更多懷孕/育兒心德~ MATT豬媽媽日常生活可關注: INSTAGRAM / FACEBOOK 歡迎產品試用/邀犒合作/活動邀請: EMAIL chuimei_chung@yahoo.com.hk