這套書想了很久值不值得買…媽媽一心好想但有些貴又怕他不看會浪費…因為我在想，要買就買全套，全套100本，加埋支點讀筆，筆有三種語言架！我覺得隨住成長可以聽不同語言。而且情緒品格教育是一輩子也要學習的。就算大人看也有提醒架！其實除返開每本20多元（兩文三語包埋筆）其實也不是貴啊！最後得到費爸爸支持所以買了。22個月大的天藍仔很喜歡，每天也拿出數本要我講…同一故事聽極不厭呢！最感動的是真的令他有學習有改變…是他自己內在轉變呢！ （一）明明自己扭計不刷牙…我們沒有迫他… 天藍仔：唔刷呀唔刷呀（由廁所衝出來） 媽媽：唔刷唔緊要啦… 天藍仔：我唔係固執小姐，我係模範先生 爸媽：模範先生有刷牙啊！ 天藍仔：爸爸係固執小姐，我係模範先生x3次 （他還邊說邊指住爸爸，媽媽聽到笑到呢） 之後他就自己衝左入廁所刷牙啦????出來就說： 天藍仔係模範先生（好滿足的樣子） 他似乎真的很喜歡做模範先生，每晚跟爸爸去完掉垃圾，就未入屋除鞋同即去洗手，每次也說：我是模範先生呀???? Ps ：故事中固執小姐是不聽人講的…而故事中模範先生就是會去刷牙抹腳，真驚訝故事中的人物真的能令他入心…也明白固執就是不聽人說（媽媽本身就是覺得他太固執才買這套書原因之一）這晚他明明自己不肯刷牙就提出自己不是固執小姐，但無啦啦說爸爸是…哈哈???? (＝）歡樂小姐什麼也說不緊要，所以好歡樂的…當天藍仔玩到有些忟時…我也會提高八度說：唔緊要啦！他忟的心情就突然也笑出來…最近兩次跟他執拾顏色—— 媽媽：我地畫完執返顏色先…唔係又會唔見喇…已經唔見左一支啦… 天藍仔：粉紅色係邊呀？粉紅色係邊呀？（邊找邊大叫） 媽媽：有支粉紅色就是已經唔見了…（可惜語氣） 天藍仔：媽媽…唔緊要啦…（媽媽頓時語塞…真懂得安慰我…????） （三）天藍仔要溫柔地叫媽媽抱 最近就是成日要抱…當他好嚕嘈地大叫：媽媽抱天藍仔呀！ 媽媽就話：oh, 吵鬧先生（mr. Noisy）嚟左喇！ 他隨即又會說故事內容－— 天藍仔：吵鬧先生好大聲好嘈呀！ 媽媽：係呀…咁有無人聽到他講野呀？ 天藍仔：無呀…無人聽到呀…要細細聲…（他自己說出重點，我當然立即和應） 媽媽：係呀要細細聲媽媽先聽到呀… 天藍仔：媽媽抱我丫（提高八度好溫柔的説出） （四）天藍爸跟天藍仔看書，我在執拾碗筷： 天藍爸指住桃紅那公仔：它好為食架 天藍仔突然大叫：好似媽媽呀x 3次 天藍爸再問：似媽媽？ 天藍仔回應：係呀好似媽媽…（好確定的語氣） 當然我即時去看看什麼似我…原來是它…???? 究竟為何似我呢？ 我猜想…因為媽媽喜歡桃紅色所以他聯繫起來，（因唔會覺得我為食，更不會是似樣吧） 天藍爸猜想…因為好大個肚 我們沒有猜想…因為為食似媽媽 最後也終於問到答案了！原來是因為肚好大，他話貪吃先生肚裡面有弟弟呢！ l 每天我也變成講故事達人，日日十幾本書無時無刻講n 次以上！由不習慣也成習慣了！但感動是天藍仔很入心…經常自己講返內容，更重要是自理情緒感受上也真的幫到他呢！繪本故事對幼兒真的有著感染力！ 套書買了原來也三年了，現在兩兄弟仍好喜歡看架！所以性價比也好高架！哥哥天藍仔更用點讀筆自己點讀看故事！當然一見我有空仍會拉住我講故事。始終更多互動及更生動呢！ 我們的Facebook專頁： 天藍仔與星晴仔 （努力豐富整理過往自己户口的帖文去專頁中） 兩兄弟YouTube 頻道：天藍仔與星晴仔 Caleb&Joshua