[小熊與薯片兔的生活日常] 點揀bb車。嬰兒車？？ 薯片兔妹妹仲有60幾日就出世，基本上我都準備好... (bb車都唔需要買，會用返小熊b之前用過嘅bb車) 今次講下點揀bb車... 身邊有好多朋友都生左豬bb同鼠bb，原來大家都對揀bb車一頭霧水...  大家大致上都係因為以下幾個原因而唔知點揀： - 我聽人話好多bb都唔肯坐bb車，咁我買左架bb車，bb唔肯坐咪晒左？ - bb車好貴，淘寶得唔得呀，有啲淘寶嘅bb車平好多 - 到底買輕身車好定重身車好呀？ - 咩牌子嘅車好用呀？ - 幾時要開始坐bb車架？ 初生坐唔坐得呀？ - 架bb車可以坐到幾大個架？ 到底如何選擇是好？其實買bb車好個人，因為每位媽媽都有唔同要求同喜好.. 從選擇過程中，我個人認為係冇一部十全十美嘅bb車.. 所以只要選取付合自己需要嘅bb車就好了...  買bb車前的準備： 1. 可以先上網做資料搜集或參考朋友嘅意見，因為真係有好多不同牌子.. 我會列出啲比較熟悉嘅牌子俾大家參考下：Combi，Capella，Apricia，Babyzen (yoyo)，gb，Joie，Graco，Peg Perego，Chicco，Maxi Cosi， Silver Cross，Recaro，ABC Design，Easywalker，Bagaboo，Stokke，Doona (實在太多，不能盡錄，以上列出嘅牌子，一般都有自己品牌門市，又或者可以喺百貨公司選購到)     2. 建議親自去試推bb車，先會知道好唔好推，就唔就手，自己可否一手抱著bb同時又應付到收摺bb車 (好似我咁，可能我鐘意某架bb車，但到老公試推bb車時佢覺得手柄好矮要彎少少身先推到... 架bb車可能岩自己又未必岩老公)  3. 清楚自己對bb車嘅要求 (例如：價錢，安全性，bb躺下後嘅舒適度，bb車的重量，可否單手開合bb車，bb車底儲物籃大小，輪子大小，推車手柄高度，可否雙向推車，是否初生適用，可以坐到幾多歲)  3. 由於bb車款式/牌子/型號都太多，建議去百貨公司或者大型bb用品店試推bb車，咁樣就可以同一日試到幾款自己已經心儀想買的bb車  4. 比較價格後才購買... 同一款bb車，可能網上或不同實體店的價錢上都會有差別 (有時遇上減價週，價錢上差別的確很大) 以我為例，兩年前生下小熊b時，我希望佢會愛上bb車... 所以我覺得bb躺下後嘅舒適度和安全性都好重要.. 因為帶bb出街，有時候要準備大包小包，我不喜歡掛大包小包嘅東西喺bb車手推柄 (會影響推車子嘅平穩度)，所以我會著重bb車底儲物籃大小，希望可以將大包小包的東西都放左bb車底儲物籃.. 我揀左初生可以開始坐嘅bb車，但呢類bb車會比較大部同埋重... 不過小熊b的確愛上了bb車，每次都會訓著，或者乖乖坐在bb車上... 我揀嘅係 Silver Cross Wayfarer (重型車)，小熊b由0-6個月左右都係訓喺初生籃，然後和媽媽面對面望著 (雙向推車).. 由6個月至而家快要兩歲，小熊b依然用緊呢架bb車，但就不再用bb籃喇，坐在帶5點式安全扣嘅坐位上，面向外向望周邊事物，有時候出街時間長了，小熊b就會在bb車上睡覺，然後我會將坐位調較至平躺角度 (可調較3個角度：45度/80度/平躺) *** 考慮到居住在澳門，街上多數是[葡國石仔路]，凹凸不平，所以買bb車時，我想要輪子較大較平穩嘅bb車...  可能有人會覺得呢款 bb車好重，而且不能單手應付收車，太大唔方便使用... 因為我一般自己湊小熊b時都唔會去太遠嘅地方，去公園散步，去屋企附近地方行街，基本上唔駛喺街上收摺bb車，所以我覺得呢部bb車還可以... 到了weekend family day，爸爸會揸車帶我同小熊b出街，收摺bb車任務就交俾爸爸喇，不用擔心獨力應付收摺bb車嘅問題... 到達目的地，爸爸都會推小熊b，同佢玩，Silver Cross Wayfarer嘅好處係手推柄可以調教不同高度，所以爸爸就個子高都唔會推到手痛同唔駛彎身推車..    到左小熊b一歲時，我地開始會帶佢去旅行，同埋有時我會單獨帶佢往來香港澳門見爺爺嫲嫲，所以入手了另一部輕便的bb車，方便去旅行/往來香港澳門時用... 雖然係輕便型bb車，我依舊著重bb躺下後嘅舒適度和安全性，儲物籃子依然是我考慮因素之一... 這次我選了Silver Cross Wing，可單手抱住小熊b，另一隻手一按一推就輕鬆摺埋bb車，收摺後體積小可以單獨站立，打開bb車時亦可單手處理... 另外，有拉鍊式延伸加大遮棚，UPF50+紫外線防護 (檔太陽).. 這bb車其實初生也適合 (可以170度平躺)，雖然相比起重型車當然冇咁舒適，因為bb車墊子較薄，車子內竉空間較少，但如果只想買一架bb車的媽媽，Silver Cross Wing 是不錯嘅選擇...  *** Silver Cross Wing去旅行時很方便，可以推車到登機口，上飛機後可以收摺放入overhead locker，不用check in (咁樣去旅行回程時，方便在airside使用，又方便在duty free購物時不用抱著小熊b)... 另外，我經常往來香港澳門，小熊b長大後有點份量，用狽帶狽來狽去實在有點應付不來，用bb車推就方便多了，上船前我單手收起bb車抱著小熊b上船，落船時單手打開bb車再推著小熊，輕鬆很多..   *** 揀bb車注意事項：乎合自己的要求，安全性，耐用 拍攝：Silver Cross Hong Kong https://www.facebook.com/silvercrossbaby/ http://www.silvercrossbaby.com/intl/row/welcome/ #babystroller  #bb車  #嬰兒車  #揀bb車注意事項  #silvercrosshongkong  #silvercrosswayfarer #silvercrosswing #小熊與薯片兔的生活日常  #小熊與薯片兔媽媽 #香港媽媽 #香港blogger #澳門媽媽 #澳門blogger =============================== Facebook： https://www.facebook.com/jaynjocemami/ 生活易靚太 club： https://wow.esdlife.com/bi_be 香港媽咪幫 mamibuy：小熊與薯片兔媽媽 https://mamibuy.com.hk/home/19407