小時候婆婆很愛戴珍珠頸鏈，慢慢地我也愛上珍珠的端莊和優確，買飾物時也偏好有珍珠款式的。剛渡過的週末，我們一家就參加了在魚排上舉行的珍珠導賞，除了解珍珠養殖行業的歷史與貢獻外，更可參與親子工作坊，及珍珠飾物製作，我覺得整個活動都蠻好玩的，所以跟大家分享一下。 出海去珍珠養殖場 我們於白沙灣碼頭集合，乘船出海去位於西貢麻南笏的海域的珍珠養殖場。 可以乘船出海，吹吹海風，很興奮啊！原來數萬棵珍珠，就在海中的一個魚排下養殖，我第一次到魚排，環境很舒服呢。 了解珍珠養殖及海洋保育 香港珍珠養殖協會的創辦人向我們講解珍珠養殖在香港的歷史，及希望藉珍珠養殖重建「東方之珠」之名。原來養珠的蚌可以過濾海水，而且因為蚌類會食水中的微生物，可以減低海水營養過盛而出現紅潮的機會，對養漁業及海洋保育，也有一定的貢獻。 然後導師就會講解如何把由珍珠貝殼打磨而成的珍珠核放入蚌中養殖。原來珍珠核一般都要在蚌中待十個月，才可變成美麗的珍珠，美麗的東西就真的需要等待啊。 初時擔心小火子會唔會覺得講解環節好悶，但可能講者講解得生動，小火子竟然開心地搶答問題，仲要用電話影低添。 最好玩嘅環節親自開蚌尋珠 睇完導師示範如何清理珍珠蚌的表面及開蚌後，就可以自己動手開蚌尋珠囉！原來自己親自開蚌，然後尋找屬於自己嘅珍珠，心情真係好緊張，在蚌中搵都白雪雪珍珠嘅時候，我同小火子都好興奮！不過開蚌都要啲力，而且要用刀，呢個環節叫大人做啊。 親子黏土工作坊及珍珠首飾DIY 收集完珍珠，我就同小火子一齊參加親子黏土工作坊製作海洋首飾盒，在海中央整黏土真係第一次，好relax啊。都幾建議俾小朋友參加呢個工作坊，令整個行程更加豐富，小火子好開心咁製作黏土魚同烏龜，而且個首飾盒會用真既珍珠蚌貝殼做裝飾，我覺得製成品好靚呀，絕對可以成為屋企嘅裝飾品。 剛才收集嘅珍珠，一定要好好珍藏，用來DIY首飾物就最啱啦！我整嘅珍珠手鈪係咪好靚呢？如果擔心自己沒有巧手，導師可以代勞。 用蚌肉釣魚 作為活動的終結 以為節目來到尾聲嘅時候，原來仲可以用剛才開蛘嘅肉來釣魚，小火子一直嚷着想試吓釣魚，今次真係啱晒！魚排旁邊真係有好多魚，兩父子好雀躍咁試下釣，雖然沒有收穫，但都係好難得嘅回憶。 如果大家都想出海吹吹風，了解珍珠養殖，來一個有野學又好玩既親子活動，可以去KKday 報名啊： 【西貢好去處全港唯一珍珠導賞】珍珠首飾D.I.Y工作坊 https://www.kkday.com/zh-hk/product/35786?cid=9795 限時優惠： 於3月31日或之前，於KKday訂購此工作坊滿$600，輸入優惠碼《PEARL100》可享$100折扣優惠，二人同行即可享有優惠。 **漁排上空氣流通，但為了防止人口過於密集，每班工作坊上限10人** 謝謝收看，如果喜歡貓町媽媽的文章或想觀看更多親子玩樂情報，歡迎到訪貓町媽媽的facebook專頁: <貓町媽媽 親子 玩樂 扮靚日誌> https://www.facebook.com/catdingmama/ 加我IG: catdingmama https://www.instagram.com/catdingmama/?hl=zh-tw #珍珠導賞 #珍珠養殖 #海洋保育 #東方之珠 #開蚌尋珠 #KKday #親子活動 #邊玩邊學 #貓町媽媽親子玩樂扮靓日誌