[小熊與薯片兔的生活日常] 點揀奶泵。泵奶器？？ 等薯片兔妹妹出世後，餵人奶嘅日子又再次展開... 經過上胎慘痛經歷後，希望今胎餵人奶可以順順利利.. 餵小熊b時，佢吸啜力唔好，我自己又唔知道原來乳頭凹陷bb係好難埋身食奶，最後試左一輪埋身先識得去買乳頭保護罩，等小熊b容易啲啜.. 到後來泵奶，都試左三部奶泵先泵得暢順... 1. Medela swing maxi：喺小熊b出世前，我已經買左呢個奶泵.. 但開頭一個月泵奶時，我覺得唔夠力，泵唔出，每次泵奶只係泵到少少出黎，簡直係做媽媽嘅辛酸... 後來我換左其他奶泵，就開始正常泵奶喇.. 不過既然都買左部 Medela swing maxi，我又唔想浪費左佢，我喺三個月後拎返出黎用，發現佢同我另一部奶泵泵出嘅奶量一樣，所以我諗 Medela 係夠力嘅，只係開頭 乳腺未通先泵唔順或者泵唔出... (但呢部奶泵，有個缺點我個人唔太鐘意，就係佢冇顯示屏幕，有時較力度大小時要自己數住㩒左幾多下... 同埋泵奶要自己望定鐘計時...奶泵嘅好處係，出街用好方便，因為較輕身，而且可以入乾電池..) 2. Cimilre f1：朋友見我泵奶泵得咁辛酸，俾左部 Cimilre 我試下岩唔岩.. 一試，有 Medela 對比之下，吸力果然係大好多，而且仲有少少痛痛地嘅感覺... 因為我揀左最細吸力都有痛嘅感覺，所以我用左幾日就放棄了.. 好彩冇買到部機，有朋友俾，否則又浪費千幾蚊 ~_~ (呢部奶泵有顯示屏幕，方便睇返泵奶時間同奶泵力度.. 另外仲有內置乾電池，即是如果有出街，可預先充電再帶出去) 3. 優合 8016：再接再厲，試奶泵試到好灰心... 突然有位朋友推薦話試下優合，平平地，唔岩用都冇咁蝕，同埋我本身有 Medela 奶泵同配件喺屋企，如果用唔慣優合嘅配件，可以駁返 Medela 嘅配件黎用... 優合港澳版代理一般都賣三款型號 (8004 /8016 /the one)，我問代理介紹時，佢話如果怕痛的話，唔建議試8004因為8004吸力較大... 咁我就從 8016 同 the one 當中二選一... 最後我買左 8016，諗住8016 比 the one平啲，買試下泵唔泵到，路岩用都冇咁蝕... 結果，用左8016後真係泵順左同埋泵多左奶，終於可以搵到岩自己用嘅奶泵.. (優合機嘅缺點係，奶泵配件太多，有好多件細細舊嘅小配件... 但優合性價比高，因為奶泵本身唔貴，港澳代理都有包保養，有問題可以更換... 點解我提及港澳代理呢？ 因為淘寶都有優合奶泵賣，而且價錢比香港澳門平一點，但淘寶買，壞了要保養手續很麻煩... 港澳代理一年保養對於我黎講好重要，我部奶泵用左7個幾月時，電池有問題充唔到電，我拎返去代理度，佢即是換了新嘅電俾我... 另外一提，我轉左用優合主機配 Medela 配件，簡直係屬於我自己的專屬奶泵，又泵得出奶，Medela 配件又少，方便自己安裝同清洗消毒) *** 揀奶泵注意事項： - 乎合自己的要求：有時真係未必試一部奶泵就岩... 市面上，除左以上三個唔同牌子嘅奶泵外，較為多人熟悉嘅仲有 Spectra，Hegen，Ulmuka，Avent，Tommee Tippee等等... 買奶泵時，可以向售貨員查詢不同功能 - 選擇雙泵：因為買左雙泵後，如果不幸發現自己較適合單泵的話，雙泵奶泵可以調較成單泵使用... 相反，萬一買左單泵，不能同步左右兩邊泵奶，泵奶時間會較長 (要泵完一邊先可以再泵另一邊).. 如果媽媽要上班或趕時間，會為媽媽帶來不便 - 選擇可以用乾電/ 預先充電的奶泵：方便帶出外使用，因為哺乳室唔一定會有插頭，如果只買濕電用的奶泵，外出時可能要靠bb埋身食奶喇.. - 選擇有屏幕顯示的奶泵：因為泵奶時間都要15-30分鐘左右，有時都會一路泵奶一路玩電話，泵泵下路記得泵左幾耐，有屏幕顯示的奶泵，可以方便睇返時間同埋奶泵力度 產品： 1. Medela Hong Kong https://www.facebook.com/medelahongkong/ https://www.medelashop.com.hk/tw/ 2. 優合 https://m.facebook.com/youhahk/ #奶泵 #泵奶器 #medelahongkong #優合 #小熊與薯片兔的生活日常 #小熊與薯片兔媽媽 #香港媽媽 #香港blogger #澳門媽媽 #澳門blogger =============================== Facebook： https://www.facebook.com/jaynjocemami/ 生活易靚太 club： https://wow.esdlife.com/bi_be 香港媽咪幫 mamibuy：小熊與薯片兔媽媽 https://mamibuy.com.hk/home/19407
