疫症宅在家呢段日子，一日煮足3餐，好多媽媽嘅廚藝都進步唔少！ 日子有功，試下加點新意思！ 今次就同大家分享個台式料理丫！   <氣炸鹽酥雞>   材料: 1. 雞胸肉/雞腿肉/雞柳 約400g 2. 木薯粉 適量   醃料: 1. 生抽 1大匙 2. 胡椒粉 適量 3. 鹽 適量 4. 酒 少許 5. 蒜蓉 1茶匙   做法: 1) 將雞肉切件 (約3cm × 3cm)，加入醃料醃45分鐘。 2) 將醃好嘅雞件，抹去蒜蓉，均勻撲上木薯粉，預熱氣炸鍋，噴油，放入氣炸鍋180度10分鐘，翻轉，噴油，180度7分鐘，然後200度5分鐘，完成。     **我家用緊美的嘅健炸鍋 (型號: Midea MF20B免油健炸寶 ) **     <魯肉飯>   材料: 1. 帶皮豬腩 400-500g 2. 乾蔥 3粒 3. 獨子蒜 2粒 (用蒜蓉都得) 4. 雞蛋 3顆 5. 冬菇 3-4隻 (我用上小花菇，所以用嘅份量多啲) 6. 白飯 3人份量   調味料: 1. 生抽 適量 2. 老抽 適量 3. 酒 少許 4. 冰糖 1小粒   做法: 1) 冬菇用清水浸軟，備用。 2) 雞蛋烚熟去殼，備用。 3) 將腩肉切成小粒，備用。 4) 乾蔥及獨子蒜去皮，洗淨切除頭尾，切末。 5) 白鑊將腩肉粒以中火炒至變色及出油，然後盛起備用。原鑊加入乾蔥及獨子蒜，小火炸至金黃色，盛起備用。 6) 小煲內加入炒好的腩肉粒、炸乾蔥、炸蒜、冬菇連浸冬菇水、雞蛋、調味料，再加水至蓋過所有材料多少少，大火煮滾，轉小火炆至收汁，熄火。將蛋、魯肉、冬菇放在白飯上，便可享用。