上次POST完隻雞比大家投票燒春雞定砂窩雲吞雞, 結果燒春雞成功跑出, 但係我冇忘記砂窩雲吞雞ga~!! 今次可以偷懶唔駛斬雞~ 因為健康農場幫我斬好咗~ yeah~ 我可以用個懶人方法去整喇~~   材料:   雞湯: 健康農場皇子雞 半隻 有機雞殼 2個 瑤柱 3粒 金華火腿絲 半湯匙 小棠菜 半斤   雲吞: 上海雲吞皮 半斤 健康農場免治豬肉 半斤 冬菇 10隻 韮菜 4両 做法: 1. 雞殼用薑蔥跑活水後洗淨, 湯煲裝約3公升水, 煲滾後加入雞殼及瑤柱, 大火滾15分鐘後轉小火煲3個鐘, 撈起所有湯渣後落金華火腿絲煲30分鐘 熬雞湯期間, 唔好偷懶, 準備包雲吞材料   2. 冬菇去蒂後浸熱水1小時至全軟(最好用D重物壓响上面確全隻都浸入水入面), 全軟後jar乾水切細粒, 冬菇水備用 3. 韮菜洗淨後切細粒備用 4. 豬肉用半茶匙鹽, 1茶匙糖, 1茶匙片粟粉又1湯匙豉油醃15分鐘後, 與冬菇粉及韮菜粒攪勻 5. 將涵料放在雲吞皮中間, 4邊塗上冬菇水 6. 對摺成長方形  7. 左上角及右上角拉埋一齊, 疊住nin實, 就包好ga na~ (唔知正唔正宗, 總之好食啦)    8. 雞洗淨後用小小鹽及胡椒粉醃15分鐘後蒸15分鐘  9. 雲吞先淥熟後過冷河備用   10. 雞湯淥小棠菜後, 加入已蒸好的雞再滾10分鐘   11. 加入雲吞, 食得   太多雲吞, 要另上XDD 點解咁好餸? 因為老爺奶奶過嚟食飯呀~~~ 米豬下晝打比嫲嫲, 話媽媽整star war雲吞雞, 問嫲嫲嚟唔嚟食飯喎~~ 乖孫叫到梗係嚟啦~~    老爺奶奶都話隻雞好滑好有雞味~ 因為係皇子雞嚟ga~ 而且仲無激素, D肉又好嫩好juicy~ 大讚我手勢好~ 有好ge食材, 再加埋我好ge廚藝, 好難唔好食ge呢~ (唔好打頭) 平時奶奶唔食雲吞ga~ 但今日我親手包, 都好捧場食咗幾隻~ 連豬肉都好鮮wo~ 因為豬肉都係健康農場出品ge泰國無菌豬, 同雞一樣, 都係無激素, 每日响泰國空運到港, 自然健康又好味啦~   煮食小貼士: 1. 唔得閒熬雞湯, 可以買現成0個D, 市面上都好多有機雞湯ga~  2. 唔得閒包餃, 都可以買急凍餃子 3. 唔識斬雞, 可以去健康農場買, 佢可以幫你斬埋, 啱晒我呢D唔識劈友ge人 4. 配紹菜都好好味ga 5. 如果你斬雞叻, 可以買隻原雞返嚟做雞湯 6. 買唔到上海雲吞皮, 可以買水餃皮 (對我嚟講其實只係唔同形狀)   米豬豬的page~ 每日都update~  歡迎各位like & follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/   赤米Nereus, 全職媽媽, 親子共食, 優質豬肉, 健康農場, Pork, HealthLife, 絕無非洲豬瘟, 無激素, 無添加, 每日空運到港, 泰國豬肉, 冰鮮肉