一般喺屋企煮日式咖喱，主要配料都離不開薯仔、紅蘿蔔同洋蔥，今次我會用番茄取代薯仔，再加埋喺咖喱好少好少見到嘅蘑菇，同樣咁簡單快速，咖喱汁keep住香濃但變得更滑順，意外驚喜呢！     【蕃茄咖哩牛肋條】   材料： 急凍牛肋條 - 1包 紅蘿蔔 - 1個 洋蔥 - 1-2個 番茄 - 2-3個 蘑菇 - 適量 蒜頭 - 適量 日式咖喱磚 - 4粒 水 - 適量（視乎材料份量） 生粉 - 1茶匙 做法： 1. 紅蘿蔔、番茄切件備用 2. 蘑菇、洋蔥、蒜頭切片備用 3. 牛肋條洗淨，煎至表面微黃，備用 4. 炒香洋蔥、蒜片 5. 先放紅蘿蔔、番茄、洋蔥，落埋咖喱磚，加水到材料大半滿 6. 將牛肋條、洋蔥、蒜片放晒落煲微微拌勻所有材料 7. 用智能高速鍋或者壓力煲炆煮15分鐘 （如果用明火，煮滾後轉細火炆煮30分鐘） 8. 落生粉水拌勻，然後熄火       是次小分享完畢，有興趣可按 麵語錄食玩遊記 by Aminn 或 C家重地 Be a Asterholic 其他分享 :) Aminn | Beauty．Food．Fun．Parenting．Trendy｜      麵語錄食玩遊記 by Aminn (Lifestyle) www.facebook.com/m.for.aminn  www.instagram.com/starzaminn      C家重地 (Parenting)  www.facebook.com/sy.lam.family　     任何合作請接洽：aminn613@gmail.com