2月18日係月經第一日，我係3月15驗到中獎❤ 驗到中獎前既身體變化、、、、、、 身體變化 1️⃣ : 多夢 雖然我一直以來訓教時都會發夢，但整個孕期都比以前發得突然多夢，睡眠質素好差!!! 身體變化 2️⃣ : 胃痛，多胃氣 大約3月10號左右，有試過兩日胃痛到醒左，勁痛訓唔返~當時無諗過自己係中左獎。 身體變化 3️⃣ : 體溫高 由排卵時到發現中獎，體溫一直係37至37.4。。。 身體變化 4️⃣ : 易肚餓 月經後兩星期左右，每晚食完晚飯，半夜都要食宵夜，仲要係一大碗烏冬，要食哂先安樂，有時食完都仲想食，肚餓感都幾大 身體變化 5️⃣ : 胸部及腰部極痛!!（呢樣係最終令我驗孕既反應） 呢一樣係我3月15朝早起身極大既一個早期懷孕反應就係訓醒腰同胸部好痛，同平時月經前既痛大約痛3，4倍，所以我就用驗孕棒check下佢，就知道成功懷孕啦！ 之後我就每日用試紙驗驗，確保每日兩條線都有加深 再係3月20日到診所留小便驗孕，拎醫生出既懷孕證明， 之後就同馮先生講佢要做爸爸啦!!! 3月23日，當我驗到兩條線一樣咁深色既時候，我就無再驗小便啦！ 就等去產檢照下BB既心跳❤❤