全職媽媽，累！ 雙職媽媽，更累！ 雙職媽媽再加上母乳，累死！   因為我冇咩人奶，再加上BB喺一個半月時，已不肯再埋身食，所以當時我已經放棄餵人奶啦！ 所以而家我係一位雙職媽媽，每日疲於奔命的雙職媽媽⋯⋯    每天早上，只能睇BB一眼就要出門。點解？因為工作地點離我屋企一個半小時車程⋯⋯ 所以我出門時，BB都未起身，莫講話抱佢一下了⋯⋯   食個lunch都要趕到趕命。點解？因為在疫症陰霾之下，我唔想姐姐帶BB出街買餸，又唔想收工先買餸，咁又會遲左返屋企睇BB。 所以我用半個鐘食lunch，半個鐘去買餸，真心累！   收工又要一揪二楞咁拎住D餸，再長征咁返屋企，真心祈求青馬大橋暢行無阻，唔好塞車。   好啦！返到屋企以為終於可以望下BB，但又要9秒9咁沖入廁所沖涼，沖完涼仲要即刻掉D衫入洗衣機洗⋯⋯ 你以為終於可以抱下BB了咩？少年，你太年輕了！全部人等緊你開飯！唉！一日嘅時間又過去了！