[小熊與薯片兔的生活日常] 餵人奶的準備 除左奶泵，我仲準備左以下物品餵人奶... 　　　 1. 吸奶神器/集乳器：吸奶神器，方便媽媽食人奶時，儲起另一邊乳房漏出嘅奶 (滴滴皆辛苦，不要浪費)... 佢嘅運作原理好簡單，係一個矽膠嘅杯仔，使用時按壓瓶身，然後吸附喺胸部，瓶身同胸部做成抽真空原理，引出奶陣... 而家好多唔同牌子都有出吸奶神器，Haakaa，Nuby，Kancson，Nature Bond，Mooimom，Tommee Tippee等等.. 由於吸奶神器始祖係 Haakaa，所以我都主要介紹 Haakaa罷.. Haakaa 出左第一/二/三代，三代都有著不同功能...  - 第一代：容量只有 90/100ml，奶量多啲媽媽不太適合.. 而且杯子底部沒有吸盤，好容易唔小心就推翻，辛苦的人奶就拜拜了  - 第二代：有 100/150ml 容量選擇.. 底部有吸盤，吸奶後可以輕易放在桌上站立不倒  - 第三代：有100/150ml 選擇，新一代多了可轉換成奶樽設計，只要另外配上奶樽咀向奶樽蓋就可以，不過考慮這樣使用的媽媽，要留意自己 bb 對奶樽有沒有特別揀擇.. 另外，留意第三代沒有底部吸盤，但底部比較闊，應該設計不易倒瀉，但因為我未用過這一款，所以我也不知道好不好用.. 2. 乳墊：市面有唔同牌子嘅即棄乳墊，亦都有可以清洗嘅重覆使用乳墊，媽媽可以接需要選購... 可能有人會問，已經帶左bra，點解仲要用乳墊？我自己覺得係需要用乳墊的，特別夏天嘅面衫比較薄，如果著左bra漏奶，bra濕左時，其實係好容易透到面衫，用左乳墊可避免尷尬場面.. (乳墊使用方法，簡單啲比喻，就好似 M巾咁，要定時更換，所以媽媽如果會外出一整天或者較長時間，可以帶定多幾對乳墊出街) 3. 羊脂膏：有時bb食人奶時，可能吸啜太大力，或者姿勢唔正確，整損左媽媽乳頭，羊脂膏作用係勢滋潤破損乳頭，我媽媽就算乳頭損左都可以減少受損嘅痛楚... 一般搽左羊脂膏，餵人奶時都唔需要刻意抹走，bb都可以直接吸啜嘅，不過都建議買羊脂膏時問清楚售貨員羊脂膏成份，始終不同牌子嘅羊脂膏成份都唔同...  4. 乳頭保護罩：餵小熊b時，我先知道原來乳頭凹陷bb係好難埋身食奶，最後母乳顧問教我買個乳頭保護罩，等小熊b容易啲吸啜.. (如果有媽媽都好似我遇上呢個困難，可以喺醫院餵人奶時問下姑娘，或者之可以出院後去健康院問母乳姑娘) 產品 (小熊與薯片兔媽媽的選擇)： 1. 吸奶神器：Haakaa 2. 乳墊：Nuk  3. 羊脂膏：Medela 4.乳頭保護罩：Tommee Tippee 產品： 1. Haakaa  https://m.facebook.com/haakaahk/ http://www.haakaa.com.hk  2. Medela Hong Kong  https://www.facebook.com/medelahongkong/ https://www.medelashop.com.hk/tw/ #餵人奶的準備 #吸奶神器 #乳墊 #羊脂膏 #乳頭保護罩 #小熊與薯片兔的生活日常  #小熊與薯片兔媽媽 #香港媽媽 #香港blogger #澳門媽媽 #澳門blogger =============================== Facebook： https://www.facebook.com/jaynjocemami/ 生活易靚太 club： https://wow.esdlife.com/bi_be 香港媽咪幫 mamibuy：小熊與薯片兔媽媽 https://mamibuy.com.hk/home/19407