曲奇真係可以好多變化和款式，除咗我常整嘅單一味道曲奇，這款「漩渦曲奇」整出來都好靚、好治癒！ 加上係朱古力混原味，一啖食落雙重味道 ^^           食譜 第79回   材料 低筋麵粉 200g 無鹽牛油 90g 糖粉 80g 雞蛋液 35g 可可粉 6g     做法 1.無鹽牛油室溫放軟，加入糖粉用打蛋器打至奶白色     2.分2-3次加入雞蛋液攪拌均勻   3.分2-3次加入已過篩的低筋麵粉攪拌均勻成麵糰     4.將麵糰分成2份，一份用保鮮紙包起 （原味）；另一份加可可粉攪拌均勻後以保鮮紙包起 （朱古力味）；2份麵糰同放雪櫃30分鐘左右     5.將麵糰分成2-3g 的小麵糰     6.每款顏色各取3粒搓成圓波波，顏色相間放6粒圍成圓圈   7.用手指將麵糰推向中間直至每粒緊貼在一起，再用手掌心搓圓即成 （要一氣呵成向同一方向搓圓）     8.焗爐預熱至180度，焗15分鐘；再以200度焗多3-4分鐘即可。最後放在焗爐焗多5分鐘先出爐       ————————————   請Like Facebook 海馬仔成長日記  │ 亦歡迎大家電郵聯絡我們試用產品或出席活動~ =====海馬仔Channel===== Facebook │ Instagram │ Blogspot│Girlssss SundayKiss│ Ohpama.com│ Cook1Cook│MamiDaily Mamibuy │ ESDLife │ 媽媽經 │ 親子集合#tagmum  ilovemama │ She.com│U Blog│WeShare│Pixnet 部落格