唔好以為栗子糖水只係一般飯後甜品，栗子則有養胃健脾、補腎壯腰、強筋活血、止血消腫等功效。 金金黃黃薑味勁重嘅栗子糖水，治癒程度令人食完一碗想添多碗呢！ 栗子係低脂澱粉質食物，又易飽肚，自己煮可以控制糖分，就唔怕吸收過多熱量啦！ 不過消化不良、糖尿病、風濕患者都不宜食用。 【薑汁栗子糖水】 材料： 栗子－約30粒 片糖－1.5片 (可用黑糖/紅糖) 水－3杯 薑片－適量 *所有材料都可按喜好加減份量 做法： 1. 今次買咗去殼栗子，需要花少少時間批走栗子表面唔靚嘅地方，洗淨備用 （買連殼栗子的話，先連殼煲滾會較易剝殼） 2. 將栗子、糖及薑同時落煲，用多功能電鍋炆煮15分鐘完成 （如果用明火煮，水滾後轉細火煮20分鐘，再喺煲內焗10分鐘）   是次小分享完畢，有興趣可按 麵語錄食玩遊記 by Aminn 或 C家重地 Be a Asterholic 其他分享 :) Aminn | Beauty．Food．Fun．Parenting．Trendy｜            麵語錄食玩遊記 by Aminn (Lifestyle) www.facebook.com/m.for.aminn  www.instagram.com/starzaminn    C家重地 (Parenting)  www.facebook.com/sy.lam.family　   任何合作請接洽：aminn613@gmail.com