2020-02-16（日）     今日又係出遠門的一天，如常9點幾去cafe食個早餐先再搭新幹線去新神戶。     黎神戶，重頭戲一定係食神戶牛！食lunch永遠平過食dinner 話說，食鐵板燒神戶牛並不是間間餐廳都會招待8歲以下小朋友，所以一早上網搵定邊間可以去，最後我地選擇左 位於地鐵 三宮站 西1出口 行一分鐘就到達嘅 Mouriya三宮店。（要留意佢有本店同二店，如果係地鐵一上黎就見到對面成棟都係呢間餐廳嘅，係本店！本店係不招待小朋友！所以要去三宮店！報人數時baby都會計算在內） 三宮店係大廈入面三樓，門口有好多證書。       我地岩岩好坐哂張長枱，服務真係好好，會幫我地拎哂啲大嬲入去衣帽間（應該），同埋會幫我地放好bb車，bb椅同餐具都有。     落好order後廚師就會開始 左邊兩款醬料for蔬菜；大碟上有： 炸蒜片、 鹽、黑椒、 wasabi（我自已就最中意原味食或點黑椒） 套餐包埋飲品，老公飲hot coffee ，我就orange juice 大廚先煮蔬菜 我地就先享用 餐湯同沙律 主菜上場廚師會詢問各人想要咩生熟度 咁美味嘅神戶牛，雖然係午餐，但都過萬￥一位架 廚師仲會主動幫我地影相         食完個超美味lunch之後就搭JR去神戶站 目的地：麵包超人兒童博物館及購物商場 一出閘就已經見到指示，沿路地下街都一直有。 有部好得意嘅麵包超人飲品販賣機 好明顯呢個地方係for軒軒玩，不過佢係bb車度訓緊晏覺，加上又落住雨，所以搵個地方食下tea食下甜品先     食完甜品休息完繼續出發～ 見到摩天輪，到啦～ 我地只係去左地下購物商場咋 一入門口有間賣各款不同造型嘅麵包鋪，軒軒都自已揀左個佢係 sample前有一張張卡仔，拎住張卡仔行去收銀處俾錢然後拎番個麵包，軒軒呢個麵包超人造型係紅豆味。 除左各間精品衣服鋪頭外，仲有salon好正咁 我地咁岩睇到下午四點幾個場表演，麵包超人出場後無耐，工作人員會叫埋小朋友出去一齊唱歌跳舞好熱鬧，軒軒都話想出去，咁就俾佢出啦（家長不能入個圈圈入面架），佢個傻豬豬入到去個圈入面變左呆呆豬仔然後終於見到我咁樣就出番黎啦（唔知番k1個日會唔會係咁呢） 完show呢個位就任小朋友跑跑跳跳 唔好意思佢著左熊大去踩場     5點幾走人，去隔離mosaic睇下有咩dinner好食，但唔太睇得岩，所以決定番地下街食。 行番去地下街時超級大風大雨，有點狼狽軒軒仲要唔肯乖乖俾我地加雨擋係bb車（鬥智鬥力就係呢一part）就算有遮都被風吹反，入到室內唯有快快抹一抹乾.........     地下街呢間啲食物等左極耐先有 點解兒童餐咁多薯條架？唔健康bo     搭JR番三宮站再轉地下鐵 西神。山手線去 新神戶站 搭新幹線要買啲野上車食是必需的     十點前番到酒店，同兩兄弟沖好哂涼訓哂攪，又係老公落去買宵夜齊齊嘆me time                   產品試用/活動邀請/其他合作 歡迎聯絡：tanleesharon2004@yahoo.com.hk 謝謝 Fb: [http://www.facebook.com/leessssfamily]