當知道自己有左個陣一直都好想整份禮物送比BB, 但懷孕時期既我都變得好鬼懶又無乜諗頭，放假都好hea...所以遲遲都未旭手… 最後終於係36 weeks先至的起個心肝親手整左一份簡單而又有意義既禮物比Matt豬。 登登登登......就係尿片蛋糕喇 hahaha (超級簡易版!)   以下係我用左既材料 (單層款式, 唔洗太多物件): 1. 尿片 X 20塊左右（只整左1層，如果2層/3層就要多啲喇） 2. BB物件: 衫仔/物仔/帽仔/牙膠 (或加口水肩/毛巾仔/鞋仔都得, 隨個人喜歡呀） 3. 公仔 X 1隻 4. 交剪 5. 透明膠紙 6. 絲帶 (1粗1幼, 不同色) 7. 橡巾 X 2條 (用黎箍埋D尿片, 相中無影到) 8. 透明膠 / 透明袋仔 (用黎包住每條尿片的, 相中無影到) 9. 透明大袋 (包起完成品, 相中無影到) 10. 圓形硬卡/紙皮 (用黎墊底, 相中無影到) **真係唔好意思有4樣材料都唔記得影低, 哈哈** 做法簡易: 1. 首先係用透明膠將每一條尿片獨立包裝好 (確保乾淨衛生)~   2. 包好哂每一條尿片之後就用橡筋將全部箍埋一齊~ 3. 用粗絲帶圍住哂尿片既外圍, 再用一條幼絲帶打蝴蝶結（效果靚Ｄ） 4. 包好絲帶後再用剪好既圓形紙皮托底＋膠紙痴實, 咁就可以防止尿片鬆散出黎 (紙皮剪得有D樣衰TIM, 哈哈) 5. 痴好個底座之後, 最後就係放ｄBB物件上去做裝飾, 咁就就完成喇~~~ 快起上黎唔洗半個中就搞掂. 係咪超級簡單呢? 整完之後, 最重要其實係影返幾張相留個念啦~ 呵呵~~~ 到Matt豬出左世之後仲同尿片蛋糕影左張相先拆禮物~ (等佢大個知道媽媽曾經為佢整過呢份簡單而隆重既禮物, 哈哈) 話咁快Matt豬已經4個月大喇期待下一次同大家分享更多媽媽日常~~ 以上純粹個人意見&分享，大家可以自行評估適合/不適合喔~~(如有問題, 歡迎PM我) 歡迎FOLLOW Matt豬媽媽 INSTAGRAM / FACEBOOK 交流更多懷孕/育兒心德 歡迎產品試用/邀犒合作/活動邀請: EMAIL chuimei_chung@yahoo.com.hk   <br />