話說 由於豆沙出世時，香港對早產bb的support 同 資源都好少  關於早產的資料，特別係香港真係好少 豆沙媽媽係豆沙出世之後周圍睇資料，好多都係台灣, 而香港真係相對少 (呢個亦係點解會有呢個blog 的來頭) 直到入咗Facebook 的早產bb會先搵到一個平台 另外仲入咗17年 同18年的WhatsApp 羣組先好啲，可以同一班媽媽商量討論取經 早產bb可以有好多問題又可以無咩問題, 有同路人都真係差好遠 由於想認識多啲對早產bb的知識，豆沙媽媽好積極去參加同早產有關的工作坊同講座 而係上中文大學同威爾斯搞的早產工作坊的時候，認識到一個新開的網站 早產兒資訊網 https://www.nnu.pae.cuhk.edu.hk/ 好值得各位早產bb的媽媽爸爸book mark 佢 因為個網好多早產資料，而且由唔同的醫生專業人仕去整，資料絕對可靠，大家唔駛估估下 原來早產BB大約係8-10%, 即係100個BB 就有起碼 8 個咁多係早產, 豆沙媽媽都係睇呢個網頁先知 佢裡面的內容好全面, 包括早b常見的各種問題 或者早B有機會面對的各樣問題 生理上，例如醫生講NEC 係stand for 咩呢 發展上，唔同歲數應該做到啲咩，例如4-6 個月就要識追視, 亦會教埋有咩方法可以幫助bb發展覺更好 照顧上，幾多度要著幾多件衫，咩衫都有建議, 或者每個b甚至 小朋友 唔同年齡一日要瞓幾多個鐘先夠 仲有教父母們面對bb早產的壓力時，點樣幫自己減壓, 放鬆自己 例如由出世到預產期 的生長線圖 都可以 係個網頁搵到 有關早b相對足月b嚟講較大機會 有的自閉症亦有詳細講述 各位早b爸爸媽媽們 甚至足月BB 的父母都可以好好咁睇下個網頁的資料 Touch wood BB 如果真係有咩問題，父母都要知多啲，先可以早啲察覺BB的問題，可以爭取係黃金治療期內搵到專業人士幫手，呢樣先最重要 好似自閉症咁, 愈早發現,愈早介入同接受治療會好好多 另外仲有一個重點, 就係呢個網頁仲會舉辦工作坊，連續三個星期六，會有家長義工詳細講解有關早b的資訊，比網頁更詳細，家長仲會分享自已的經歷 同場仲會有負責呢個project 的兒科醫生 同 兒童體智發展專科醫生 在場俾大家即場發問 雖然而家因為疫情而停咗，但好藉得各位早b父母們參加（仲要係費用全免ga) 下面係佢地工作坊的poster, 俾大家參考下 https://www.facebook.com/groups/1947509621962030/ 佢地另外仲有facebook, 大家都可以like 下, 入去睇下, 同埋有關於工作坊的最新update 利申:以上所有圖片均來自 早產兒資訊網 https://www.nnu.pae.cuhk.edu.hk/