一大早，媽媽gp便send嚟好多訊息，內容是圍繞住幫BB報N班事宜。   說真的，我毫無概念。大家興高采烈地討論著，你一言，我一語，搞到我都緊張埋一份。拿拿臨上網study一下，又問問仔仔正在讀K班嘅朋友，張羅了成個朝頭早，根本已經冇心工作。其實原本我一點兒也不著緊，總相信船到橋頭自然直，但係受了其他媽媽嘅影響，我都會諗，會唔會係我預備得唔足夠呢?呢種心情，相信只有同路人先會明白。   這時，我才真係停落嚟，諗吓BB是否真係要入N班。 說真的，我唔想BB太痴Auntie，原因我相信每位雙職媽媽都明白；再者，我閒日返到屋企沖埋涼已經8點，所以湊到佢嘅時間係超少，變相即係唔會有時間教到佢嘢。結論係，我仍舊想佢入N班的。   當媽後，特別容易受人影響，一見到人哋買D咩嘢、做D咩嘢、報D咩嘢學校，自己就會又想做埋一份…… 這時，停一停，諗一諗，呢個物件/事情/學校是否適合自己嘅BB，唔好成為一個驚蝕底、怕執輸、跟風嘅媽媽。