今日整咗古早味蛋糕，超成功，手殘都一定掂呀！重點係過程快得嚟仲要唔多野洗！（最怕整定洗餐飽！） 咁咩係古早味呢？點解唔直接叫海棉蛋糕呢？ 古早味意思是古老的、傳統、懷舊的味道，以前化工食品產業不發達，所以食物的做法都比較天然簡單，以手工料理為主，例如古早味牛肉麵、古早味蛋糕。 呢個蛋糕嘅精粹係震騰騰，食落口超濕潤柔軟而且好香蛋味！下次要整埋蜂蜜古早味蛋糕同芝士古早味蛋糕先！ 材料： 低筋麵粉 80g 全蛋1隻 蛋白 5隻 蛋黃5隻 橄欖油 50ml 牛奶 80ml 糖 80g 鹽1/4茶匙 做法:  1. 把橄欖油加熱，然後低筋麵粉過篩後，與已加熱的橄欖油拌勻 2. 加入牛奶入（1）拌勻，再加入5隻蛋黃和1隻全蛋拌勻後備用 3. 用另一個容量較大的碗放入五隻蛋白，用發蛋器打蛋白，中途放入鹽，糖分段慢慢加入，打至像慕絲狀 4. 把（2）加入已打好的蛋白，拌勻 5. 準備焗盤，用錫紙和牛油紙圍邊（像圖） 6. 把蛋糕將放入焗盤，放好後要「櫈」2下令部份空氣排出 7. 放水入較大的焗盤，之後把蛋糕放在水上 8. 焗爐170度，焗50至60分鐘，完成！