2020-02-17 9點出發,去食個好味pancake飲杯 iced mocha,再搭新幹線去岡山,廣島去岡山好快,半個鐘左右就到。 搭路面電車 東山線 去總站 東山站,完全無夾過,但意外地搭到小玉電車架車行行下會播啲貓叫聲出黎 是日黎岡山,完全係for軒軒 『岡電博物館』,就係東山站一落車已經見到。 成人¥1000,軒軒都要收費架¥500,晞晞bb就唔使,仲有要留意,下午四點就關門架啦!!! 要先係門口除鞋,再入去買飛,bb車可以拎埋入去,有個專用位放。 樓上有個小小 area有各款新幹線或鐵道俾小朋友玩,晞晞都有份玩下 洗手間配合哂大人小朋友同bb,for bb有換片枱;大人有大人拖鞋同馬桶;小朋友都有拖鞋同小馬桶 綠色個架 由布院之森 我都好想搭阿 香港絕少見到嘅木球波波池軒軒掛住係上層玩車,咁成個池益哂晞晞您啦 玩到接近一點,搭番路面電車番岡山車站食lunch,此時開始陰天有點雨 由於岡山車站已經俾我地行哂,所以我地決定唔等一早mask左指定席班車,改搭最快有得番到廣島站班列車嘅自由席,反正都係半小時嘅車程,我地大人唔坐都得,不過上到車其實自由席都有好多位,只係有無得坐埋一齊姐。 月台上有部熱飲機 話說我地離開岡電博物館時有細雨開始涼,黎到月台更加大雨更加凍,而且自由席係頭三卡,我地一路行啲風一路迎面吹埋黎,簡直係要同風對抗。 番到廣島買小小野番酒店食,水果很重要!尤其旅行期間無乜菜同湯水。晞晞都有香蕉食架(當時佢6.5m剛加固) 兩父子真梳乎~ 休息夠再出發,搭巴士去紙屋町商店街個邊dinner(好多巴士都去到) 入左一間食沾麵,自行係機先買飛再交俾職員。 相?抱歉無影 因為我地坐係門口位,咁岩又難得一遇落左一陣子雪(呢個旅程唯一睇到雪就係呢度)仲要都唔細,所以我地被吸引住而氣温當然都凍左好多得一度。 天氣凍左咁多,帶住一個小朋友一個bb就無謂係街逗留太耐,所以食飽飽就搭番巴士番廣島車站,再去買埋宵夜就回酒店沖涼訓攪嚕~ 產品試用/活動邀請/其他合作 歡迎聯絡:tanleesharon2004@yahoo.com.hk 謝謝 Fb: [http://www.facebook.com/leessssfamily]