2020-02-18     今日因為去京都玩，所以都要早啲出發，9點前我地已經係廣島站入面食早餐啦。     呢間coffee shop隔離有個小小等候區有得玩下     要留意，『山陽山陰7日JP pass』只能去到新大阪站。雖然新幹線 新大阪站 下一個就係 京都站，但用呢個pass係不能直接坐到去京都站。要係新大阪站轉JR先得；若然好似我地唔知道而直接坐到京都站諗住出閘，都可以補錢。     去到京都之後轉JR 去 梅小路京都西站，目的地：京都鐵道博物館（明顯都係for軒軒啦） 大人￥1200，軒晞一樣唔洗入場費 係户外有架列車改裝成小餐廳     我地入室內上 上層餐廳食lunch先，必定要坐窗口位，可以睇到列車經過，景觀一流 超多bb椅 餐廳採用自助買飛形式     食飽換好片就玩室外先（餐廳行過小小就有洗手間同育嬰室，入面有熱水機添架） 去坐蒸氣火車啦～要俾錢架，印象中好似￥300我唔記得左啦 好快十分鐘左右就坐完，不過就比較大風 呢個位可以行埋去近睇架     坐完蒸氣火車就去旁邊黃色新幹線造型公園玩 有滾輪式sir滑梯 四款不同的搖搖馬 不過由於真係太大風關係，玩左15分鐘左右就番番室內啦     呢個位有得體驗揸火車，但好似要自行留意有無抽中自己個no. 最高個層係觀景台 模擬買飛入閘情景 軒軒係呢度玩得最耐， 皆因有好多路軌同火車晞晞訓緊覺我要睇住佢，所以等daddy陪玩啦     最後去番室外列車扮成小餐廳個度食個雪糕就走人啦 係門口要order咗畀咗錢先 抹茶雪糕配粟米片 蜜瓜梳打配雪糕     玩到接近三點走嚕，搭番JR番京都站，行下附近間驚安殿堂，再行下京都站個地下街 五點半嚟個 early dinner 兒童餐好大份， 有飯有拉麵， 好似軒軒食量唔多嘅兩歲半小朋友， 其實食碗拉麵已經飽左     接著搭JR番新大阪站買下野食，再搭新幹線番廣島啦～                   產品試用/活動邀請/其他合作 歡迎聯絡：tanleesharon2004@yahoo.com.hk 謝謝   Fb: [http://www.facebook.com/leessssfamily]