尋晚，老公同我講，因著限酒令，令到好多酒吧都關門大吉，所以佢最近收到好多關於飲食業人士嘅求助。其中一個係Auntie嘅同鄉，佢不單止要供養全家，仲要供緊菲律賓嘅樓，同埋因為佢唔識中文，所以冇人肯再次請佢，走投無路之下，佢唯有求助。   呢D求助個案多不勝數，可能亦都會陸續有嚟…… 講真果句，其實我都好驚我會係被炒嘅下一個……   有時諗到咁樣嘅情況，心裡總會忐忑不安。我哋要養BB、請Auntie、做樓奴，乜嘢都係錢！   不過，再咁擔心落去都係無濟於事，不如選擇以輕鬆嘅心態面對吧！ 更何況，我同老公一直好堅守於十一奉獻，相信神定必保守我哋家庭。 不是嗎？！老公仲啱啱簽咗一份長約。   你呢？！是否每天都活在惶恐不安當中？ 試吓去禱告吧！將你嘅憂慮告訴神！ 橫掂禱告又唔使錢，同埋只係需時數分鐘嘅時間，相信神會賜福給你。   凡勞苦擔重擔的人可以到我這裡來，我就使你們得安息。馬太福音11:28