抗疫期間日日留守屋企 絕對係幫小朋友戒片嘅好時機 其實我一向無特別強迫自己小朋友到幾多歲就要戒片 我覺得總之返學前戒到就得 而且每個小朋友成長進度都唔同 按番佢地嘅能力進行就好   上年年尾其實幫翔翔試戒過一次 但唔知點解佢相當抗拒 連企近少少個馬桶都唔肯 莫講話要除褲痾落去 我就知應該未係時候 亦冇再強迫佢   到大概一個月前 我又再嘗試再幫佢試吓戒片 先帶佢睇下哥哥係點樣去小便嘅 然之後就同佢講你大個仔啦都可以好似哥哥咁 再出動一條全新好靚嘅底褲仔 （最好係小朋友鍾意嘅公仔圖案） 同佢講大個仔唔使著片片啦我哋可以著底褲仔 於是乎狠心啲除左佢條片 （個定律係著住尿片去戒係戒唔到嘅） 之後每15分鐘帶佢去一次廁所 有得痾或冇得痾都要照帶佢去等佢習慣 通常一開始都係會瀨濕濕 但係唔緊要  要俾佢知道如果瀨濕濕係會唔舒服嘅 仲要一齊幫手洗褲抹地 繼而重複咁樣帶佢去廁所 如果成功屙到第一次vv就代表成功左一半 讚下佢獎勵佢 翔翔就係咁成功係兩日之內戒到片 而且到第三日已經冇瀨濕濕 純粹分享自己嘅方法 每個小朋友嘅進度都唔同方法因人而異 記住無須過分心急 等小朋友準備好才開始 自然事半功倍 媽媽們加油   #clear左湊小朋友其一中個高難度嘅task #所以話無得迫係時候就會做到   ————Follow me————   Facebook  https://www.facebook.com/juncheungbrothers/   IG www.instagram.com/juncheungbrothers