踏入懷孕36-37週左右，產檢的時候醫護人員都會提各位準靚媽預備「走佬袋」，以便隨時入院生產。當時孫師奶上網搜尋，綜合了幾位靚媽的意見，買了一大堆東西，最後發現有些東西根本用不著，想趁還有記憶的時候跟各位準靚媽分享一下。 媽媽用品 ✓準爸媽身份証: 入院登記時用。 ✓產前檢查紀錄: 如果一直有在廣華醫院做產檢，不需預備。 ✓外套: 唔以唔帶，廣華醫院的產後病房都幾暖，加上醫院有提供外套，不過款式有少少似女子監獄的制服：） ✓短襪: 保暖用。 ✓防滑拖鞋: 生完bb好虛弱，鞋底一定要防滑，唔好貪方便帶酒店即棄拖鞋！ ✓網褲 / 舊內褲: 下體真係會流出好多惡露，建議帶網褲/舊內褲。 ✓陰道沖洗器: 用來沖洗陰道傷口，孫師奶坐月期間都一直有用。 ✓濕廁紙、即棄座廁墊: 必備！有呢2件法寶令我係醫院去大小便都好安心，非常順暢：） ✓孕婦衛生巾: 建議買Kotex黏貼型果款，平靚正！ ✓口罩: 心理上覺得醫院多菌，戴口罩自保一下都好。 ✓牙刷、毛巾、護膚品: 簡便為主，邊有咁多精神扮靚呢：） ✓手提電話充電器: 好重要！孫師奶試過用病房床頭的插座直接充電，不過當然會被姑娘阻止啦！ ✓保溫壺、水杯: 廣華醫院有熱水提供，主要用來焗炒米茶飲。 ✓炒米茶包: 去Daiso買白色茶包袋仔，自製幾個炒米茶包入院飲用。 ✓紙巾、濕紙巾: 病床無紙巾提供，請自備。 ✓哺乳胸圍、乳墊: 如果打算餵哺母乳的話請預備，不過孫師奶的經驗係大概產後第3日左右先出現滴奶的情況。 ✓束腹帶 / 盆骨修正帶: 其實可以唔帶，生完攰到剩返半條人命，出院後開始用都未遲。 廣告 廣告 ✓出院衣物: 其實孫師奶同入院係同一套衫：） ✗產墊: 廣華醫院有提供，不用預備。 ✗睡衣: 係醫院要著病人衫，唔需要帶睡衣。   嬰兒用品 ✓初生嬰兒尿片: 初生嬰兒用量超高，建議帶一整包NB。 ✓無酒精濕紙巾: 抹屁股用，亦可以用熟水+清潔棉。 ✓紗巾: 帶多幾條傍身。 ✓帽仔: 保暖用。 ✓初生嬰兒和尚袍 / 連身夾衣 / 包被: 出院用的，建議帶開胸款式方便穿著，係醫院係著醫院的和尚袍+包被。 ✓手套 / 襪仔: 係醫院基本上唔需要用，一直用包被包到實一實。 ✓廚房紙: 如果bb要留係兒科觀察，必須帶備一卷廚房紙，因為醫護人員唔會幫手洗紗巾。   PS. 每間醫院的要求不一，入院前請問清楚。   2019年1月廣華醫院順產媽媽分享   ♡孫師奶♡ 80後女生 l 香港媽媽 l 加拿大移民 https://www.facebook.com/workingmamabyemi