#媽媽有感 #我係好緊張 #不過一啲都唔過分 面對肺炎，角色唔同諗法都唔同⋯屋企有BB、幼兒、小朋友嘅家長一定會特別緊張！真係街都唔敢出，為咗減低接觸到細菌病毒嘅風險⋯唔想影響到小朋友健康⋯我係孕媽咪，肚入邊仲有一個小生命，擔心更加大！ 回想起沙士我仲係學生，嗰陣真係唔知驚，覺得自己年輕唔會中，單身無牽掛～會繼續出街，口罩成日拉底只帶一半⋯如果依家我係年青人，應該都可能唔識驚⋯ 咁如果我係長輩、老人家呢？仔女大晒冇壓力～而且人生都行到一半，點解要困住喺屋企，繼續想食就食想玩就玩！覺得識嘅人/朋友就唔會有病毒呢個諗法⋯覺得邊有咁易中～ 我唔怕自己病，係只怕萬一惹到家人同小朋友！唔想後悔一世，其實減少外出係屋企困獸鬥，壓力真係唔少！我真係好鍾意帶小朋友周圍去玩⋯ 我而家嘅角色係一個幼兒嘅媽咪、懷孕中嘅媽咪，所以緊張係好正常吧！每日消毒消毒消毒 ⋯減少同人嘅接觸，（旁人會覺得唔使呀嘛）⋯我為嘅係保護所愛嘅人！ 祈求疫情快點過⋯大家身體健康！