信義妹近期真係煮到呆曬~ 雖然未停課前都係咁樣煮，但唔知點解而家日日煮總係有啲鬱悶~ 好啦~~~ 寫下自己煮咗咩應該會好啲既~    一隻脾除咗滷水，豉油王，都仲要諗下有咩食法~ 等大家都無咁悶，小卷小立又可以幫下手，都叫親子一下，順便練習一下基本求生技能~   雞皮 之前信義妹成日都分享，每次起完雞皮，就會雪冰櫃，儲幾隻就會拎出來整雞皮脆~~~ 呢個真係大人限定的邪惡小食~    今次就想有少少變化~ 變化啦~ 就變咗要多少少工序囉~    脆脆雞（皮）包 材料: 雞皮  數塊 粟米 芝士   *材料份量其實都好睇你有幾多雞皮   步驟 1 雞皮要裁好，裁到大約手心大細 2 將芝士粟米放到雞皮中間 3 用牙籤封口 或 用棉線紮好 4 先開細火慢煎 （因為雞皮本身都帶油，所以信義妹不加油啊~）  5  煎到4邊金黃色 6 大火回鍋   茄子餅 信義妹改菜名都真係無咩新意，眼見人地改個好優雅既名。信義妹永遠都係直呼其名。。。。。噢。。。。   材料: 茄子 雞肉 蛋   步驟 1 先把茄子厚切  2 拎匙羹係茄子中心位置挖洞 3 雞肉和茄子肉切粒 4 雞肉和茄子肉與蛋撈勻，可以略加調味 5 先將茄子圈放於鑊中 6 再把餡料（雞肉和茄子）放入圈中 7將一邊煎至金黃先番另一邊啊~~ 8 兩邊煎香就可以上碟啦~   蟲草花淮山湯 到最後的雞骨，信義妹通常都會儲起一次過用來煲湯既~~~   材料 雞骨 蟲草花 腰果 淮山 無花果   步驟 1雞骨會先汆水 2 煲一大煲水 3 倒曬落去啦喂~~~~~ 4 大火煲滾，轉中細火煲大約45分鐘就得啦～   唔知大家有無其他食法呢？大家一齊交流下呀～   信義藍星札記 Facebook Page https://www.facebook.com/IncredibleShunyeemui/ Instagram https://www.instagram.com/IncredibleShunyeemui/